SANTIAGO DE COMPOSTELA | 16/01/2018 | Actualizada ás 09:34 por EUROPA PRESS
As reservas do grupo sanguíneo A negativo (A-) atópanse baixas en Galicia, mentres que as de Cero negativo (0+), Cero negativo (0-) e A positivo (A+) permanecen normais, segundo a información facilitada este martes pola Axencia de Doazón de Órganos e Sangue (ADOS).
ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, o vindeiro luns, 22 de xaneiro, ADOS desprazará unidades móbiles aos municipios coruñeses de O Barqueiro --diante do bar Los Relojes--, A Coruña --barrio de Os Mallos--, Carral --á beira do campo da feira-- e Santiago --Aula de Formación do Centro Comercial Compostela--.
Tamén o vindeiro luns haberá unidades móbiles en Lugo --lateral da Praza Maior-- e no concello ourensán da Rúa --diante do Concello--.
Ademais, enviaranse unidades móbiles ao municipio pontevedrés de Ribadumia --xunto ao Concello--, Salvaterra do Miño --Praza do Concello-- e Vigo --zona As Travesas na Praza de América--.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.