O 061 atendeu a 59 persoas debido a 43 accidentes de tráfico rexistrados a fin de semana en Galicia
Urxencias Sanitarias de Galicia-061 atendeu a 59 persoas durante a fin de semana debido a 43 accidentes de tráfico rexistrados na rede viaria galega. O venres foi a xornada con máis incidentes, con 18 sinistros.
SANTIAGO DE COMPOSTELA | 22/01/2018 | Actualizada ás 09:27 por EUROPA PRESS
Urxencias Sanitarias de Galicia-061 atendeu a 59 persoas durante a fin de semana debido a 43 accidentes de tráfico rexistrados na rede viaria galega. O venres foi a xornada con máis incidentes, con 18 sinistros.
Segundo informou o 061, a Central de Coordinación recibiu entre as 15,00 horas do venres e as 23,59 horas do domingo un total de 58 chamadas en relación con accidentes de tráfico.
Os recursos sanitarios mobilizados polo 061 ascenderon a 58. En concreto, as ambulancias saíron en 52 ocasións e os médicos de Atención Primaria prestaron asistencia en seis sinistros.
En 52 casos os feridos foron levados aos centros sanitarios correspondentes e en sete ocasiones recibiron atención no lugar do incidente.
A proporción de homes e mulleres atendida foi do 50 por cento en cada caso e en canto ás idades dos feridos, o 28% dos asistidos tiña entre os 25 e 39 anos.
Pontevedra, con 22 accidentes, foi a provincia que rexistrou máis sinistros durante os desprazamentos da fin de semana; seguida da Coruña, con 16; Lugo, con tres; e Ourense, con dous.
