Abanca gaña 367 millóns en 2017, un 10% máis

Abanca obtivo en 2017 un resultado neto de 367 millóns de euros, un 10% máis que no exercicio anterior, segundo informou a entidade este mércores na presentación de resultados.

O banco destaca que a súa actividade no pasado ano traduciuse en "unha mellora consistente e significativa" dos principais indicadores en materia de rendibilidade, calidade do risco, solvencia, liquidez e dinamismo comercial, o que, asegura, permítelle cumprir os obxectivos estratéxicos que se fixou para o trienio 2014-2017.

O resultado rexistrado en 2017, explica, apoiouse no pulo dos ingresos recorrentes, cunha marxe básica que creceu un 17,6% e na redución de activos improductivos, cuxo peso é só o 2,2% do balance.

Cun "elevado" nivel de capitalización (cociente 'CET1' do 14,6% e folgura de 1.762 millóns sobre os requirimentos), Abanca sinala que afronta "desde unha posición de solidez" as "oportunidades que poidan xurdir" no sector nos próximos exercicios.

((Haberá ampliación con foto))