Por Galicia Confidencial | Compostela | 25/01/2018 | Actualizada ás 10:00
Como xestionar a auga ou como conseguir economizar e explotar o seu consumo, sobre todo nos últimos tempos que comeza a escasear. Son algúns dos obxectivos de Aqualoxía, un programa de divulgación e concienciación dos máis pequenos no coidado da auga e no respecto polo medio ambiente a través da educación que xa chegou a máis de 3.600 escolares Galegos de 3º curso de educción primaria.
Esta iniciativa impulsada por Viaqua vai máis aló e implica tamén a centros educativos e estudantes de ESO e Bacharelato/FP nas convocatorias anuais do Certamen Literario “Relatos de agua inteligente”, e no que xa participaron máis de 1.500 estudantes ao longo das súas catro edicións.
Por iso, un ano máis sumarase á celebración do Día Mundial da Educación Ambiental, que se celebra o 26 de xaneiro, reiterando o seu compromiso co coidado do medio ambiente e no uso sostible dos recursos de auga dispoñibles.
Esta celebración ten a súa orixe en 1975, ano no que se celebrou en Belgrado, o Seminario Internacional de Educación Ambiental e no que se estableceron os principios fundamentais da educación ambiental no marco dos programas das Nacións Unidas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.