Denuncian explotación laboral en Froiz con xornadas de 13 horas de traballo e tratamento "humillante"

Comisións Obreiras organiza unha concentración este xoves diante do supermercado que esta cadea ten en Noia.

Por Galicia Confidencial | Noia | 08/02/2018 | Actualizada ás 08:35

Comparte esta noticia

Xornadas de trece horas diarias, cando o máximo legal son nove. Así se traballa en Froiz, polo menos, no supermercado que esta cadea de alimentación ten en Noia. É a denuncia que fai a federación de Servizos de CCOO de Galicia que denuncia explotación laboral por parte de Froiz. De feito, o sindicato puxo en coñecemento da Dirección da empresa e da autoridade laboral esta situación.

Supermercado do Grupo Froiz
Supermercado do Grupo Froiz

CCOO tamén informou do incumprimento dos descansos legais e do tratamento "humillante e vexatorio", que provocan que moitas empregadas sufran cadros "severos" de ansiedade ou mesmo renunciasen ao seu posto de traballo.

A Federación de Servizos deste sindicato anuncia que "non vai permitir que esta situación continúe" e anuncia concentracións fronte a este centro de traballo "as veces que sexan precisas". Así, este xoves, ás 12.00 horas terá lugar a primeira delas no supermercado desta cadea en Noia.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

4 Galaic

Non pidas a quen pidiu nin sirvas a quen sirviu. O Magin pasou moita fame e non lle deron bon trato e así trata il aos seus empregados.

3 UNHA das moitas exempleadas

Non e solo no de noia, pasa a mesma situacion no de santa comba, o ler esta noticia pensei que falaban do de santa comba.. 13 horas e humillacions constantemente

2 sermos mantidos

Non protestarán o BNG e a CiG? É dos "nosos"! Aínda lembro a publireportaxe disfrazada de información en A Nosa Terra, asinada polo comandante da UPG, Pucheiro, loando a Magín Froiz. Non importa o desprezo de Froiz polo galego e polas traballadoras. Pois o mesmo Pucheiro queimou A Nosa Terra, deixou a deber e vai dando palestras nas que os coroneis do BNG aplauden a rabear. Son os nosos modelos!

1 Un vigués

No sector da distribución ocorren cousas ben curiosas. En certa cadea, por exemplo están os contratos 27 máis 3. Cobras 27 e traballas 30, tres horas chamadas "de cortesía". Tamén te chamo ao despacho para dicirche que debes comprar nos nosos establecementos "ya que te pagamos el sueldo..."