Así foi a dura travesía do galego que tardou 60 días en cruzar o Atlántico a remo

Ondas de sete metros, quenllas ao carón da embarcación, soidade e dez quilos menos de peso. Jorge Pena convértese no primeiro español en cruzar este oceáno en solitario.

Por Galicia Confidencial | A Coruña | 11/02/2018 | Actualizada ás 20:28

Comparte esta noticia

O galego Jorge Pena completou a fazaña de cruzar o océano Atlántico a remo após 58 días, 18 horas e 49 minutos de travesía. Ás 07,24 horas deste domingo --hora española--, Pena arribaba ao porto da illa caribeña de Antigua e culminaba así a Talisker Whisky Atlantic Challenge, considerada unha das regatas máis duras do mundo.

O remeiro galego Jorge Pena, o primeiro en cruzar o Atlántico a remo
O remeiro galego Jorge Pena, o primeiro en cruzar o Atlántico a remo

O galego partiu da illa da Gomera a mediados do mes de decembro acompañado de Jesús de la Torre, que forma xunto a Pena o 'Team Remolón', que rema a favor dunha causa solidaria, a asociación 'Cris contra o cancro'. Con todo, aos poucos días de iniciar a aventura, De ka Torre tivo que abandonar a proba por problemas de saúde.

A súa despedida converteuse nun dobre contratempo para Pena que, ademais de ter que afrontar o resto da viaxe en solitario, debía facelo cunha embarcación preparada para dúas persoas, cargada con 200 quilos extra dos que levaría en caso de ser individual.

Isto, sumado a unha das edicións máis difíciles da Talisker en canto a condicións climatolóxicas, fixo que Pena atravesase momentos moi complicados no apartado físico ao longo dos 60 días de viaxe, nos que perdeu 10 quilos de peso.

Pena chegou a enfrontarse a ondas de até sete metros e ventos de entre 35 e 40 nós ao longo das 3.000 millas que separan A Gomera de Antigua, onde este domingo lle esperaban a súa muller e a súa filla.

RUTINA

A rutina do remeiro galego --arquitecto de profesión e afincado en Sada (A Coruña)-- nos últimos 58 días consistía en remar en sesións de seis horas, descansar durante tres ou catro horas, e volver empuñar as pas outras seis horas. Ademais dos temporais e o cansazo, Jorge Pena tamén tivo que sortear outro problema, a soidade, que combateu ao estilo de Tom Hanks na película 'Náufrago'.

"Jorge tiña na embarcación un peluche dun polbo que lle regalou a súa muller. E con el falaba", indicou José Cigarrán, condutor do programa televisivo 'Mundo Náutica' e que mantivo contacto co remeiro galego durante a travesía.

Con todo, Pena tamén tivo que afrontar outro tipo de compañía que non lle fixo tanta graza, como unha quenlla que roldou o 'Remolón' durante un par de días. Así as cousas, logo de 3.000 millas, case 60 días e dez quilos máis delgado, Jorge Pena converteuse este domingo 11 de febreiro de 2018 no primeiro español en cruzar en solitario o océano Atlántico.

Temas: MAR CANCRO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 MARYSX

Con todo, Pena tamén tivo que afrontar outro tipo de compañía que non lle fixo tanta graza, como unha quenlla que roldou o 'Remolón' durante un par de días. Así as cousas, logo de 3.000 millas,Olympique de Marseille case 60 días e dez quilos máis delgado, Jorge Pena converteuse este domingo 11 de febreiro de 2018 no primeiro español en cruzar en solitario o océano Atlántico.