Un camión embarranca nunha estrada en Laza, que permanecerá até o martes cortada en ambos os sentidos

Un camión embarrancou este luns na OU-1052, unha das estradas que une Cerdedelo e Toro. Esta vía, que se coñece como a Ruta do Marroquí, permanece cortada o tráfico en ambos os sentidos.

Segundo informaron a Europa Press fontes de Protección Civil, o vehículo, que conduce un traballador polaco que chegou por erro a este punto, permanece atascado nunha ponte e necesita ser retirado por un guindastre especial.

Por iso, as mesmas fontes explicaron que até o martes non poderá ser retirado da vía para que a circulación poida volver á normalidade.

As autoridades xa sinalizaron os desvíos alternativos para que poidan circular os veciños das localidades afectadas.