Pero que modernos e que europeos, oes

Asistimos a unha nova e máis moderna entrega da doma e castración, disfrazada de modernidade e de igualdade de oportunidades.

Por Juan Carlos Piñeiro | Burela | 16/02/2018

Comparte esta noticia
Un político, de nome catalán, propón que as linguas cooficiais deixen de ser obrigatorias para os funcionarios en cada territorio, por lei estatal claro, nos que aínda é obrigatorio que non son todos por certo. Unha medida cando menos moi culta e que preserva a riqueza do Estado, non si?. Coido que inspirada por ese gran líder do socialismo e Presidente da veciña Asturias: “Sin lengua no hay nacionalismo” dixo, e quedou tan tranquilo, que grandeza de ideas.
 
Son xenialidades da nova política, a intención de mudalo todo, incluso a calidade de atención dos funcionarios, xa que para esta xente o verdadeiramente obrigatorio é saber castelán. E dicir, adaptar os administrados á administración o que non  fale castelán que o aprenda, nembargante ó que lle pagamos todos non ten por que facelo. 
 
Imos ser claros este partido, Ciudadanos, defínese como moderno e europeísta, xa vemos que moderno non é cando aplica principios da política de 1486 e para desgusto dos propios laranxas tampouco son moi europeístas: “o multilingüísimo é unha das claves da riqueza cultural de Europa con 24 linguas oficiais, cada europeo ten dereito a dirixirse á Comisión Europea na lingua oficial que considere e a Unión ten a obriga de resposta na lingua elixida” di o portal da Unión. Máis ou menos como propón o Sr. Rivera, non si?. Xa que logo porque non propón esta política en Europa, todos a falar inglés e francés. Moi fácil, porque é ridículo e choca coa esencia do proxecto de Europa.
 
Xa non imos falar de respecto, de historia, de cultura, de dereitos compre lembrar que a propia Constitución que tanto PP, PSOE E C´s veneran é a que fala dos principios de descentralizar e desconcentrar de achegar a administración á xente, que fai logo Ciudadanos propoñendo isto? Pois xa o vemos centralizar e traizoar á súa propia esencia constitucionalista, que cousas ten a nova política.
 
Estes procesos de involución, só fan  que cada día máis, perdamos o convoi de Europa, seguro que os socios  ven con preocupación cada agresión que estes grupos fan a construción común, danando os dereitos dos pobos, os dereitos dos galegos, dos vascos e  dos cataláns e daqueles que loitan polo recoñecemento da lingua nos seus estatutos como agora  os Asturianos. 
 
Quen pode acreditar en esta xente que se chama europeísta e fai propostas que están no camiño diametralmente oposto ó recoñecemento e dereitos dos cidadáns de Europa?
 
A resposta de nivel foi:  “Sin lengua no hay nacionalismo”, isto xa se resposta só, Señor Presidente de Asturias, sobre algún tipo de nacionalismo saben moito na súa terra, teña respecto.
 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA