Por E.P. | VIGO | 19/02/2018 | Actualizada ás 17:39
A proposta da Xunta de expedir autorizacións personalizadas aos visitantes do Parque Nacional das Illas Atlánticas antes de que estes compren os seus billetes de barco non convenceu ás navieras, que cren que é un sistema "pouco eficaz" e "complicaría aínda máis os trámites para os viaxeiros".
A través dun comunicado suscrito (por Mar de Ons, Nabia, Bahía Sub, Cruceros Rías Baixas, Naviera de las Rías Galegas e Tour Rías Baixas), as empresas expresaron a súa desconformidade coa formulación da Consellería de Medio Ambiente, e pediron un modelo diferente para a xestión das reservas.
Por outra banda, as navieras mostraron o seu malestar pola falta de información e por decatarse "polos medios" das intencións do goberno galego, a quen pediron unha reunión hai dous meses, sen ter resposta.
FALTA DE DIÁLOGO
Esa "falta de diálogo", criticaron, preocupa ás empresas porque "están en xogo moitos postos de traballo diretos e indiretos", e lamentaron que a Xunta fixera pública a súa proposta "sen tan sequera informar previamente as navieras, e a poucas semanas do inicio da campaña de Semana Santa".
Por iso, enviaron "un paquete de medidas que garantirían a transparencia do sistema" e pediron "con carácter urxente" unha reunión con responsables da Xunta para abordar a situación do transporte marítimo ás illas do Parque Nacional.
Finalmente, defenderon o desempeño realizado ao longo dos anos, en que prestaron un servizo de transporte marítimo "de gran calidade", e incidiron en que as súas suxestións poden contribuír a que o Parque Nacional conte con "un procedemento de reserva e venda transparente, fiable e áxil para o consumidor".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.