| 21/02/2018 | Actualizada ás 14:08 por EUROPA PRESS
A cifra de negocios do sector servizo subiu un 7,8% en Galicia en 2017, máis que a media de comunidades (+6,3%), segundo datos que publica este mércores o Instituto Nacional de Estatística (INE).
Deste xeito, Galicia rexistra a cuarta maior subida entre comunidades, só superada por Navarra (+9,2%), Madrid (+8,3%) e Castela-A Mancha (+8%).
Así, Galicia acumula catro anos consecutivos con datos positivos na facturación de servizos, após 2016 (+8,8%), 2015 (+4,9%) e 2014 (+2,6%). O último ano con decrecemento foi 2013 (-2,6%).
Respecto ao emprego, na Comunidade galega houbo un incremento do 2,3% en 2017, menos que a media (+2,6%). O persoal ocupado subiu tamén todas as autonomías, especialmente en Murcia (+4,6%), Baleares (+3,8%) e Cantabria e Navarra (+3,7% en ambos os casos).
O emprego tamén suma catro exercicios seguidos con crecemento na Comunidade, con 2017 á cabeza nas subidas.
No tocante ao mes de decembro, houbo un avance na cifra de negocios do 1,5% en Galicia, menos que a media (+4,4%). Na ocupación a alza foi do 2%, tamén por baixo do 2,3% en España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.