O sorteo da Primitiva do sábado deixa 8,5 millóns de euros nun único boleto premiado en Guitiriz (Lugo)

O sorteo da Primitiva deste sábado 24 de febreiro deixou un premio de 8,5 millóns de euros nun único boleto acertante, de categoría especial, vendido na localidade de Guitiriz (Lugo).

SANTIAGO DE COMPOSTELA | 25/02/2018 | Actualizada ás 14:38 por EUROPA PRESS

Comparte esta noticia

O sorteo da Primitiva deste sábado 24 de febreiro deixou un premio de 8,5 millóns de euros nun único boleto acertante, de categoría especial, vendido na localidade de Guitiriz (Lugo).

A Primitiva
A Primitiva | Fonte: Europa Press

En concreto, o boleto acertante obtivo o premio acumulado de primeira categoría, dotado con 8.506.089,44 euros. De Segunda Categoría existen no resto de España seis boletos acertantes, premiados con 35.117,12 euros cada un.

O premio foi repartido pola Administración de Lotarías nº 2 'El Milenio de Oro' de Guitiriz. O seu propietario, Manuel Díaz, explicou, en declaracións a Europa Press, que se tratou dun boleto manual de dúas apostas, cuberto manualmente e selado para xoves e sábado, cos números 4, 5, 12, 27, 43, 45, complementario 40, reintegro o 7.

O premio, 8,5 millóns de euros, bate a marca económica de premios da Primitiva que tocaron na provincia de Lugo, segundo destacou o dono dunha administración que este mesmo ano tamén vendeu o segundo premio da Lotaría de Reis.

"Estou tranquilo, sosegado, penso na clientela, xa levo case 18 anos con esta administración, e o que me gustaría é levar a felicidade á xente, con todo isto un se sente satisfeito", expresou.

En todo caso, de momento descoñécese quen foi o agraciado co premio millonario, xa que ao tratarse dunha administración en Guitiriz, un lugar de paso en Galicia, podería ser un cliente puntual que non vivise na contorna do municipio.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta