Por E.P. | SANTIAGO DE COMPOSTELA | 01/03/2018 | Actualizada ás 13:36
O presidente da Xunta, Alberto Núñez Feijóo, avanzou este xoves que o seu Goberno prepara dous instrumentos para optimizar a resposta fronte a posibles situacións de seca: unha lei e un plan de vixilancia da calidade da auga de consumo humano.
Tras a reunión semanal do seu Executivo, o mandatario galego defendeu que ambas as ferramentas son "oportunas e necesarias" e incidiu en que é preciso "estar preparados" para futuros episodios de seca, como ocorreu en meses anteriores.
Neste sentido, manifestou que o "mellor momento" para facer "unha reflexión pausada" e articular as medidas precisas para poder combater a seca é este, un momento no que "hai auga e mesmo hai neve".
Así mesmo, subliñou que o obxectivo é "mellorar a coordinación da Xunta cos concellos" e poder garantir auga para o consumo con "volume" suficiente e "características de calidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.