Martiño Xosé Vázquez será o cabeza de lista de Ourense en Común nas municipais de 2019

O actual voceiro do grupo acada o 97,67% do apoio dos militantes que participaron na elección.

Por Galicia Confidencial | Ourense | 10/03/2018 | Actualizada ás 20:53

Comparte esta noticia

Ourense en Común xa ten candidato para as eleccións municipais de 2019. Será Martiño Xosé Vázquez, elixido co 97,67% dos votos emitidos na consulta organizada polo Comité Electoral e desenvolvida mediante votación electrónica.

Martiño Xosé Vázquez e Martiño Noriega
Martiño Xosé Vázquez e Martiño Noriega

Superada a asemblea de validación, sen presentarse alegacións de ningún tipo, o Comité Electoral chamaba ao censo a votar este sábado. Mediante votación electrónica habilitada durante toda a xornada, cunha participación do 60%, Martiño Xosé Vázquez acadou una vitoria rotunda.

“Neste tempo, como portavoz do grupo municipal, tiven a sorte e a responsabilidade de comprobar como é posible practicar un liderado colectivo e democrático. Agora, con máis responsabilidade se cadra, toca afondar nos piares fundamentais de participación, transparencia e horizontalidade para construír un proxecto político plural, con vontade de sumar maiorías e con capacidade para gañar. Por un Ourense novo que mesture a experiencia coa xuventude e a sabedoría de quen leva décadas traballando en prol do ben común coa enerxía de quen quere cambialo todo”, afirmou Martiño Xosé Vázquez ao coñecer os resultadios.

O mesmo regulamento polo que é nomeado o portavoz como cabeza de lista contempla na súa redacción que o resto da candidatura sexa completada no outono deste mesmo ano cunha corrección de xénero que establece que os postos 2, 3 e 4 da candidatura deberán ser ocupados por mulleres.

“Ningunha compañeira animouse a dar o paso. Eu, e de seguro todas as persoas participantes e votantes de Ourense en Común tamén, estariamos encantadas de que a persoa a encabezar a lista fose unha muller. Pero dun modo ou doutro a perspectiva de xénero e a igualdade si ou si deben estar presentes. O feito de que os postos 2, 3 e 4 da candidatura sexan obrigatoriamente mulleres por encabezar eu a lista é bo, pero non suficiente. Teremos que seguir traballando para ter unha alcaldesa tan boa en Ourense como Ada Colau ou Manuela Carmena”, argumentou o candidato elixido, actual portavoz de Ourense en Común no Concello.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

5 contra expaña e comunismo

a pesares do que din na couce da malicia o señorito nunha sondaxe moito mais fiable dalle entre 0 e 1 a marea do podreiro, a marea comunecia, eliminou a competencia e deixaron a iste señor totalmente prescindibel por parte da esquerda, o vello das entidades veciñais xa esta fora, e agora que o puxeron de candidato os do podreiro a tragar, a tragar como pu... e despois Waldo das jons (o coletas) A ORDEAR DESDE OS MANDRILES A Simboloxia do podreiro nas eleccions moni-cipaias... onde queda o de que as bases elixen os seus representantes? onde quedan as eleccions "falsificadas" onde o podreiros eleimino a candidaturas nacionalistas de CxG e anovados (non -Vieiristas) sabemos da oposición que fixeron, entregadora o pepeiro, TODOLOS SABEMOS das aberracions das pagas do municipalismo, meticheis o pepeiro a gobernar... falsia do nacionalismo, aborto do expañolismo, bagazo do bloque, paxaros cucamonas!!!! 4 anos perdidos pero AGORA O BLOQUE SUBE DE 2-4 ESCANOS

4 Pregunto

E esta vez non hai que facer unhas secundarias para cambiar o que se decidiu nas primarias

3 Eu mesmo

Ninguén se atreveu a competir, nengunha compañeira se animou a dar o paso. Evidente. Hai uns catro anos fixeron trampas ao solitario para que o candidato que as primarias abertas escolleron, non fose o primeiro da lista. Éis a nova política ourensá en aberta competencia co baltarismo.

2 Alberte

Referencias: Madrid e Barcelona. Viva a colonia 2.0!

1 retrinco

Parece que o 8-M non se nota moito

1 Hihihohoho

Home coma ousas non recoñecer data tan significativa?!!! Sabido é que no séculos XX e XXI hai tres grandes datas: a Revolución Rusa, a caída do muro de Berlín e o 8M de 2018 en España. http://www.galiciaconfidencial.com/...