Galicia xa pasou a etapa de seca histórica

Os encoros galegos aumentaron as súas reservas até o 77,8% da súa capacidade após as choivas da última semana, de forma que xa se sitúan en cifras similares á media da década.

Segundo os datos publicados este martes polo Ministerio de Medio Ambiente, os encoros de Miño-Sil incrementaron até a 70,4% a auga recollida, o que supón case nove puntos porcentuais por riba do 61,8% da semana pasada.

Na actualidade, os encoros de Miño-Sil contan con 2.132 hectómetros cúbicos de auga, por encima dos 1.916 do ano pasado a estas alturas, mentres queda preto dos 2.243 de media da última década.

En Galicia Costa, a auga embalsada xa supón o 85,1% da súa capacidade, o que se traduce nun aumento de case sete puntos respecto ao 78,4% de sete días antes.

Así, en Galicia Costa hai 582 hectómetros cúbicos, máis que os 474 do ano anterior e por encima da media da última década, situada en 509 hectómetros.