Temas: TREN ANGROIS

Fomento recortou case un 20% o orzamento en seguridade no tramo de Angrois

Un técnico di que foi o que se aforrou co cambio de proxecto, que implicou diminuír nuns quilómetros o despregamento do sistema de control continuo da velocidade, coñecido como ERTMS.

Por E.P. | SANTIAGO DE COMPOSTELA | 13/03/2018 | Actualizada ás 14:39

Comparte esta noticia

As dúas primeiras declaracións polo caso do accidente do Alvia en Angrois de técnicos das empresas subministradoras das empresas de control, mando e sinalización prolongáronse durante máis de tres horas, pero saldáronse con poucas conclusións, segundo fontes consultadas por Europa Press.

Momento en que un tren Alvia descarrila en la curva de Angrois
Momento en que un tren Alvia descarrila en la curva de Angrois

Ambos os técnicos, do mesmo xeito que outras dúas persoas que lles suceden, comparecen en calidade de testemuñas, a petición de varias das partes acudidas na causa, que instrúe o xuíz Andrés Lago, titular do xulgado de instrución número 3 de Santiago.

O primeiro, un técnico de Thales, segundo as fontes consultadas, cifrou nun 19% o recorte no orzamento que supuxo o cambio de proxecto, que implicou diminuír nuns quilómetros o despregamento do sistema de control continuo da velocidade, coñecido como ERTMS.

O segundo, de Dimetronic, alegou que os técnicos "non analizan curvas", senón velocidades, ante o que foi interrogado polo fiscal por se non cre que pasar de 200 a 80 quilómetros por hora (como facía que facer na Grandeira, onde se produciu o sinistro) sexa un cambio significativo de velocidade.

As comparecencias comezaron con media hora de atraso e nun contexto de folga dos funcionarios de xustiza. Sobre as 12,40 horas, o xuíz, terminadas as dúas primeiras declaracións, pediu un receso aos avogados para atender un caso de violencia de xénero. Ao redor das 13,30 horas retomouse a vista.

Temas: TREN ANGROIS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta