Por E.P. | SANTIAGO DE COMPOSTELA | 13/03/2018 | Actualizada ás 19:25
O 90 por cento dos galegos considera que a Televisión de Galicia contribúe a promover a identidade galega, segundo unha enquisa realizada para Forta, a unión de canles autonómicas públicas de España. Así, segundo explica a TVG, a televisión autonómica galega é a que está en "máis sintonía con trazos culturais dos seus telespectadores" e do país.
De feito, a televisión galega sitúase oito puntos por enriba das seguintes nesta mesma clasificación, que son a catalá e a andaluza. Os madrileños son os que menos valoran a súa canle autonómica, xa que só un 45 por cento opina o mesmo acerca de Telemadrid.
Este estudo, que se presentou este martes, tamén di que a Galega é a televisión cuxa audiencia a ve como empresa máis moderna. Pénsao así o 80 por cento dos espectadores enquisados.
INFORMACIÓN INTERESANTE
Ademais, o 72,6 por cento dos enquisados opina que as autonómicas ofrecen información interesante e próxima, mentres que para o 55 por cento son as que atenden unha maior variedade de públicos e contidos, unha porcentaxe que chega ao 65 por cento entre os mozos de 15 a 35 anos.
A enquisa tamén desvela que mesmo naquelas comunidades autónomas que non contan con canle autonómica propia se considera estes medios como os que máis contribúen a difundir a realidade e a cultura local e rexional.
Para este traballo demoscópico, realizado pola consultora GFK, realizáronse mil entrevistas. levou a cabo con motivo do 35 aniversario do inicio das primeiras emisións das televisións públicas autonómicas, que para o 70 por cento dos cidadáns do Estado son un servizo público necesario para a sociedade no seu conxunto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.