A líder de Podemos Galicia limita o seu compromiso con En Marea a "un acordo" puntual

Carmen Santos defende que Podemos é "un partido político autónomo" e esquiva as críticas de Beiras. A consulta do partido morado ás súas bases para as municipais e europeas comeza este mércores e o luns coñeceranse os resultados.

Por E.P. | SANTIAGO DE COMPOSTELA | 19/03/2018 | Actualizada ás 19:12

Comparte esta noticia

A secretaria xeral de Podemos Galicia, Carmen Santos, limitou a súa vinculación a En Marea ao seu status de deputada do grupo parlamentario da organización rupturista; xurdido de, segundo Santos, "un acordo" con Podemos e outras forzas para se presentar ás eleccións autonómicas de 2016 baixo a fórmula xurídica de partido instrumental.

A secretaria de Podemos Galicia, Carmen Santos
A secretaria de Podemos Galicia, Carmen Santos | Fonte: Europa Press

"Podemos é un partido político autónomo como defendemos sempre. Un partido instrumental é un partido instrumental para presentarse ás eleccións. Ese é o acordo ao que se chegou con Podemos nas eleccións de 2016. Somos leais ao que nos comprometemos", remarcou este luns a parlamentaria de En Marea nunha rolda de prensa na que afirmou non sentirse "aludida" polas críticas do histórico dirixente nacionalista Xosé Manuel Beiras.

As palabras de Beiras durante o plenario, onde chegou a censurar que exista "casta" dentro de En Marea e asegurou que os parlamentarios que renegan da organización rupturista "estafan" aos cidadáns que os votaron, tiveron eco ao longo da xornada deste luns no seo da formación que lidera Luís Villares.

Pola mañá, a coordinadora nacional de Esquerda Unida e deputada, Eva Solla, evitou pronunciarse sobre o conclave do pasado sábado —no que non estivo presente, como outras importantes figuras de referencia da órbita rupturista— e asegurou, do mesmo xeito que Santos, non sentirse aludida polas críticas de Beiras. Horas máis tarde, Villares tratou de rebaixar a tensión interna e remarcou que "está fóra de opinión" que os deputados do partido instrumental o son de En Marea, como reflicten "as actas".

"Eu son deputada de En Marea. Sempre dixen nas miñas declaracións públicas, en todas, sen excepción, que eu son deputada de En Marea no Parlamento", declarou a preguntas dos medios Carmen Santos que, a continuación, remarcou a súa "lealdade" e a do seu partido a "o que se acordou".

ELECCIÓNS DE 2016

Deste xeito, incidiu na "autonomía" de Podemos Galicia que, segundo a súa secretaria xeral, acordou presentarse aos comicios autonómicos de 2016 como "partido instrumental". "Ese é o acordo e se hai que facer algunha reformulación, verase no momento en que se teña que dar", apostilou.

Con todo, En Marea presentouse ás eleccións galegas baixo a fórmula xurídica de partido instrumental de afiliación individual e non como unha coalición de partidos, postura pola que apostaba a dirección de Podemos Galicia.

Esta configuración (partido instrumental e afiliación individual) foi aprobada na asemblea fundacional de En Marea, celebrada en xullo de 2016 en Vigo. O conflito, que estivo a piques de facer que Podemos Galicia concorrese en solitario ás eleccións, desbloqueouse no último momento coa intervención desde Madrid do líder do partido morado, Pablo Iglesias.

"Teño unha organización política que é Podemos e un grupo parlamentario que é En Marea. Síntome parte do proxecto que votaron os galegos para facer unha labor programática e para a xente no Parlamento", engadiu Santos.

"LEALDADE"

O pasado sábado, Xosé Manuel Beiras disparou contra Podemos e o seu líder, Pablo Iglesias, aos que acusou de "tratar mellor" aos deputados de Compromís que optaron por irse ao grupo mixto que aos parlamentarios de En Marea que decidiron integrarse no grupo confederal de Unidos Podemos ao serlles negada a posibilidade de articular un propio.

Segundo Beiras, Podemos, a nivel estatal, non está a tratar con "lealdade" as alianzas con outras forzas, algo que negou este luns a secretaria xeral da formación morada en Galicia. "Podemos sempre demostrou lealdade co que acordou. É a miña opinión e o sentir da organización", afirmou Santos.

"Creo que sempre fomos leais ao que nos trouxo até aquí. Seguímolo demostrando e ímolo a seguir mantendo, que é o que nos pide a xente", concluíu.

CONSULTA SOBRE AS MUNICIPAIS E EUROPEAS

Por outra banda, este mércores 21 de marzo ás 10,00 horas comeza a consulta de Podemos na que os inscritos decidirán se a organización morada se presenta ás eleccións municipais, autonómicas e europeas, e se desexan que a marca 'Podemos' figure nas candidaturas.

En Galicia están chamados a participar os 22.500 inscritos cos que conta o partido morado. As votacións pecharanse ao mediodía do domingo 25 e, un día máis tarde, o secretario de Organización estatal, Pablo Echenique, dará a coñecer os resultados.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 10 comentarios

7 Edelmiro

Beiras, Martinho, sodes velhos lobos de mar. Que facedes con estes "Peter Pan" da vida? Ídevos. Tedes moitos motivos para os ir. Déixaos sós coa sexta. Vén con homes e mulheres. Que facedes con estes adolescentes? E para máis inri son "pijos" pero "progres". Que esperades destes cativos listinhos?

1 Alberte

Que venham aonde? Trânsfugas e traidores não, graças

2 comunista independentista

Traidores? Ninguén está a falar aquí da UPG. Bastante ten xa coas súa fuga de militantes xuvenís/estudantís.

6 Pondaliao

Arribista e cínica s partes iguais

5 nostrus

Podemos es un partido que nacio producto de un calenton social harto del bipartidismo y la corrupcion y en el que la gente fue capaz de creer hasta un curandero que le dijera lo que quiere escuchar. Pero al pasar la resaca la gente se dio cuenta del engaño y lo hueco de sus propuestas y por ello la marca Podemos esta en franca decadencia. Podemos lo forman aquellos que solo saben darle a la lengua sin aportar nada nuevo y que de palabra son capaces de viajar hasta Júpiter. Pero lo que importan son los hechos y no la palabreria.

1 Todovendido

Mira, nostrus. Los hechos son que el PP y el PSOE son un fracaso,. Para empezar el PP vive de la idea de que lo hizo muy bien en la industria y paro, lo cual es falso porque la subida fue global. El PP tiene apoyos en toda Europa por gente de sus mismas ideas y no es de fiar lo que digan esos apoyos, porque son mentirosos compulsivos. El PSOE sigue la misma linea y coarta las libertades como el PP pero ocultamente y mediante subterfugios. Finalmente Ciudadanos es un teatro para volver a convencer a la gente , que ha demostrado que es controlado por el PP, tanto en los datos de sus finanzas como en los de los que PAGAN por aparecer en las listas. Alternativas?

4 asneiras

A nova castita para casa, inútil

3 Per

Son rupturistas e rebeldes todos eles,, os demais somos " a xente",,, que non cobra o que eles ,, e ben se ve que son rupturistas ,,,, ah e nin de esquerdas nin de dereitas.