Feijóo ataca a En Marea polo caso Quinteiro e Villares recórdalle as súas fotos cun narcotraficante

O presidente da Xunta critica a actuación da deputada Paula Quinteiro, sinalada pola Policía nun altercado. O portavoz de En Marea contraataca preguntándolle "que delegado do Goberno o informou das súas fotos con Marcial Dorado?" e censurando o seu desprezo a xornalistas de determinados medios galegos que lle preguntan por esa cuestión.

Por E.P. | SANTIAGO DE COMPOSTELA | 21/03/2018 | Actualizada ás 12:30

Comparte esta noticia

A sesión de control na Cámara galega derivou este mércores nun duro enfrontamento dialéctico entre o titular da Xunta, Alberto Núñez Feijóo, e o portavoz de En Marea, Luís Villares, a quen o presidente galego apremou a "tomar unha decisión" en relación coa deputada Paula Quinteiro, quen se viu implicada e foi identificada, segundo o atestado policial, nun altercado entre un grupo de mozos e axentes da policía no marco dun control nocturno por vandalismo. En resposta, Villaeres recordou a Feijóo as súas fotografías co narcotraficante Marcial Dorado e preguntoulle que delegado do Goberno lle filtrou a información da existencia desas imaxes.

O presidente da Xunta, Núñez Feijóo, na sesión de control do Parlamento
O presidente da Xunta, Núñez Feijóo, na sesión de control do Parlamento | Fonte: Europa Press

"Vai facer algo para devolver a dignidade a esta Cámara?", preguntou Feijóo, quen lembrou o chamamento "a unha primavera de mobilizacións" e a "dar a batalla na rúa" formulado por Pablo Echenique, dirixente de Podemos, antes de ironizar con que a parlamentaria o debeu "entender perfectamente". "E o sábado pola noite saíron á rúa unha serie de persoas para cometer un vandalismo puro do que me avergoño", espetou.

E é que, segundo recolle o atestado policial sobre estes feitos rexistrados na madrugada do sábado ao domingo, cuxas dilixencias foron trasladas á Policía Nacional, Quinteiro formaba parte dun grupo de mozos que foi interceptado polos axentes despois de que un veciño denunciase a rotura de varios espellos retrovisores dos coches estacionados nunha rúa próxima.

O relato policial sinala que atopou un grupo de 15 mozos, un deles con gorro verde —o que coincidía coa denuncia do veciño— e outro cunha botella de cervexa que "mostraba actitude de tentar golpear diverso mobiliario urbano" e que chegou a gritar "Policía, fillos de puta", segundo recolle o atestado. Os axentes solicitaron a dotación doutra patrulla nese momento.

Foi nese momento, cando tentaron identificar a unha das persoas que ían no grupo cando sucedeu a disputa. Segundo o relato policial, pediuse ao mozo que "se mostraba máis agresivo e que anteriormente insultara e fixera unha peineta" aos axentes que se identificase e a deputada, que acudiu até o lugar "chamada" polo mozo "interpúxose entre o home, exhibindo un cartón parlamentario, tratando de impedir a identificación e dificultando en todo momento a intervención da Policía".

Con todo, a deputada de En Marea e inscrita en Podemos —da corrente Anticapitalista— nega rotundamente esta versión e defendeu que un dos policías actuou "de forma desmedida e foi violento" e, mesmo, chegou a deixar no chan ao mozo. Engadiu que a súa única intención foi a de "mediar" e tentar acougar a situación.

"NON LLE TOMAN EN SERIO COMO PORTAVOZ"

Feijóo, durante a sesión de control, instou a Villares reiteradamente a responder sobre esta situación e aproveitou para incidir en que nin os deputados da Cámara galega nin os de Madrid "lle toman en serio" como portavoz de En Marea, polo que puxo en dúbida que, en realidade, poida adoptar algunha decisión sobre Quinteiro.

Así, aludiu ao último plenario da formación e ironizou con que debe ser "moi duro" que "de 2.500 inscritos acudan 250". "Imaxínese que o PPdeG convoca un, vénme o 10 por cento e nin sequera acoden os deputados da Cámara", apuntou o tamén líder dos populares galegos.

AS FOTOS CON DORADO

Villares, pola súa banda, non se pronunciou sobre Quinteiro, pero si replicou con contundencia ao presidente. "Señor Núñez, vostede séntese moito máis cómodo preguntando que contestando", proclamou, antes de advertir que a do pleno é "unha sesión de control" ao presidente, ao que esixiu que "non se esconda tras as súas propias preguntas".

A continuación e despois de incidir en que os servizos xurídicos da Cámara avalan que non hai "ningún problema" en que o presidente se poida pronunciar sobre outras cuestións á marxe das que se rexistran por escrito para a sesión, realizou unha pregunta directa a Feijóo: "Que delegado do Goberno pasoulle información das súas fotos con Marcial Dorado?", que foi obviada polo mandatario autonómico.

O dirixente de En Marea rememorou así unha cuestión que Feijóo recoñeceu na súa entrevista en 'Salvados' e tamén aproveitou para afearlle que "menosprece" aos xornalistas galegos que lle preguntan respecto diso e reciben como resposta que "cando teñan un programa na Sexta igual lles responde". "Tan fráxil ten a memoria que non pode contestar?", preguntou.

Nunha moi tensa sesión de control, Villares tamén apelou a que Feijóo conteste "se se ratifica ou rectifica as palabras nas que", segundo a súa interpretación, en 'Salvados' o presidente "chamou contrabandistas a todos os galegos", e pediulle "explicacións" sobre casos xudiciais que afectaron no seu día a deputados populares.

Así mesmo, botoulle en cara que o alcalde de Palas de Rei, Pablo Taboada, fose condenado por "prevaricación e acoso laboral" á secretaria municipal, pero segue no seu cargo "con apoio dos populares" na localidade. "En nome da igualdade, que invocou, vai facer algo para cambiar esta situación? Grazas, señor presidente", contraatacou Villares.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 17 comentarios

6 IDEARIO DOS MAREADOS

e eu inocente de min, pensaba que o da mareada e era pola confusión política que traen nas mans, por seguir as directrices confusas e retortas do vello -VIEIRAS, pero non resulta que todo vai ser producto dos graos do alco-olismo no que anda sumerxidos, incluso deputados e asi, que cara tedes, AQUI ESTA O AUTENTICO IDEARIO DA MAREA DO PODREIRO (MARISCOS GALEGOS BARATOS E PROFUNDIDADES NA BEBEDORIA) - https://www.youtube.com/watch?v=BHb...

5 MOCIDADES DO PODREIROS

que barbaridade cando por denunciar o machismo empregaron a palabra >CO-NA (xa saben a -vaxina, o -clitores, a vulva, os labios maiores e menores, as trompas de Falopio, a uretra e os -ovarios), atacaron a ana pontón, falaron de crise do bloque, pero por favor si ela sempre foi un.ha rapaza moi repeiteada que estudiaba moito e axudaba na casa os pais, non como istes outros elementos mareados, incluso seica son xa calificados como CASTUCIA, o podreiros e moito autentica mocidade do KRONEN, pero xa teñen avogado defensor o xuiz Villano, todo o podreiros estalle a facer a campaña política o partido populeta, miren si o chamado comunista dependentista esta implicado si lle fixeron a proba do alcohol, todo son escándalos, autentica chulería diante a policía que tenta controlar a uns da bebedoria que andan facendo estragos polas ruas, o teu e moito xuiz villano que vergonza!!!! PODREIROS -PORCOS!!!! -PORCOS!!!! - https://www.youtube.com/watch?v=TLa...

4 Bernal Calvo Delaciga

Non houbo detencións nin identificacións. Non hai denuncias en ningún xulgado nin comisaría. O "caso" só existe nos medios dereitosos e só é aireado por certos partidos. É todo moi sospeitoso. Nótase que só falta 1 ano para as municipais e que ao trío PP/BNG/LVG non lle saen as contas. Todo indica que imos presenciar moitas máis montaxes destas, tempo ao tempo.

1 LKI

L.V.G. sempre lles inventa algunha cortiña de fume para tapar as miserias. Ao PePé para tapar o da relación cos narcos e o da Cristi-Nazi-Fuentes, ao BeNeGá para tapar as fugas nas mocidades e a crise en Erguer entre a UeMeGá e os independentes.

2 LKK

Es todo una cospiración de laupegá

3 comunista independentista

Como Reforzar Erguer? XDDDDD

4 FUN EU

Mire, Sr Bernal: A nova é que Feijóo ataca as Mareas, non o BNG. A súa teima en implicar ao BNG, que eu supoño que nin vai comentar como partido o caso de Paula, é artificial e fora de lugar; non sendo outra escusa para atacar ao único partido nacionalista que inda pode pedir no parlamento un referendo, máis competencias, un plan de país e outras cousas que xa vimos (pola súa rama catalá) que non lles importan ren.

5 Xan do Can

Bloque bueno, e cómplice tamén! Mire señor Eu, esta noite cinco cidadáns cataláns durmiron na cadea por defender ideas políticas, e unha foi ao exilio. Suma e segue. Como ben sabe a súa señoría, o sistema que ten como canciños o PPsoE. Como non lembra, o BNG (e as Mareas de Podemos, claro!) pactan, apoian e deitanse co PsoEspañol. Como pode deducir o ilustre señor, quen está sostendo o criminal PPsoE é cómplice do fascismo españolista que aturamos. Pois iso: fálame do BNG e das Mareas apoiando o neofascismo do PsoEspañol, de ganchete con Ciumarranos e Partido Podre. Abondan de impostura, sodes uns vendidos!

6 FUN EU

O que acaba de pasar é lamentable e sinto dicilo, está sendo apoiado por toda Europa. O resto nin paga a pena comentalo, agás a súa teima en deixar sen crítica a quen APOIA esta forma de facer as cousas : PP, PSOE, C's e a rama de Podemos que foi culpable de dividir o parlamento catalá na votación definitiva. Non precisamente o BNG (nin moitos das Mareas). Así que o de "vendido" e as hostias as garda vostede para outros, que eu non llas aturo a calquera troll.

3 rui senhor

urko, cando falas de prensa comprada com quartos públicos... falas de Galicia Confidencial?

1 urco

A enredar também? Negas acaso que a Xunta subvenciona a toda a prensa escrita e audiovisual na Galiza a câmbio do seu silêncio complice coa corrupçom sostida no tempo do PP? Ainda bem que fica algum meio, sobre todo no âmbito digital, que, a costa de ser marginado polo poder , mantém algumha voz crítica neste país comesto de corrupção.

2 rui senhor

Vaia, que metes tamén a Galicia Confidencial na saca da prensa comprada com quartos públicos, está ben sabelo

3 urco

Vai ensarilhar com a lã e practica a compreensom leitora , meu.

2 urco

A lógica dos do PP é como a de Trump, que di poder disparar no meio de Nova Iorque e que os seus o seguiriam a votar. Hai mais dez anos que Feijoo tinha que ter dimitido, mas num país como o nosso, com a prensa domesticada por estar comprada com quartos públicos, nom passa nada. Tem que ser numha entrevista em Espanha onde lhe fagam corar de vergonha ao narco-presidente. Isso si, segue sem dimitir e mentres enredando com parvadas.