VIGO | 21/03/2018 | Actualizada ás 15:10 por EUROPA PRESS
A Garda Civil investiga a un mozo de 17 anos de idade, veciño de Nigrán (Pontevedra), como suposto autor dun delito de descubrimento e revelación de segredos, despois de acceder ilegalmente á conta de correo electrónico dunha compañeira de colexio.
A investigación iniciouse despois da denuncia dos pais da moza, que se decataron de que alguén cambiara as fotografías que a moza tiña no seu perfil de correo, e puxera imaxes de carácter pornográfico, con comentarios obscenos e inxuriosos.
As pescudas, que contaron coa colaboración da dirección do centro escolar, serviron para identificar a un mozo que, supostamente, na aula de informática, cando ía utilizar o computador, atopouse coa conta de correo aberta dunha compañeira e realizou eses cambios sen autorización da titular.
O mozo foi citado e notificado en presenza dos seus pais, e comunicóuselle que está investigado polo suposto delito de descubrimento e revelación de segredos. As dilixencias practicadas foron postas a disposición da Fiscalía de Menores de Pontevedra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.