A borrasca 'Hugo' deixa ventos de 129 quilómetros por hora en Viveiro e 152 raios en 10 horas en Galicia

A borrasca 'Hugo', que afecta a Galicia durante esta fin de semana, deixou fortes ventos, que alcanzaron os 129,6 quilómetros por hora no municipio costeiro de Viveiro (Lugo), e un total de 152 raios en dez horas durante a madrugada do venres ao sábado.

SANTIAGO DE COMPOSTELA | 24/03/2018 | Actualizada ás 11:40 por EUROPA PRESS

Comparte esta noticia

A borrasca 'Hugo', que afecta a Galicia durante esta fin de semana, deixou fortes ventos, que alcanzaron os 129,6 quilómetros por hora no municipio costeiro de Viveiro (Lugo), e un total de 152 raios en dez horas durante a madrugada do venres ao sábado.

Alertas de temporal o 24 de marzo
Alertas de temporal o 24 de marzo | Fonte: Europa Press

Segundo os datos recollidos por Meteogalicia, o refacho máximo de vento rexistrouse en Penedo do Galo, en Viveiro, ás 03,00 horas. Cedeira foi o seguinte punto máis afectado o vento, cun refacho de 117'5 km/h en Punta Candieira, ás 02,00 horas.

As temperaturas caeron até os -5,4 graos, na provincia de Ourense, en concreto, no lugar de Xares, na Veiga, ás 03,10 horas.

Ademais, en tan só dez horas, rexistráronse un total de 152 raios en Galicia, concentrados na provincia da Coruña e na zona costeira da de Lugo. A maioría producíronse entre as 00,00 e as 06,00 desta madrugada.

Debido á borrasca 'Hugo' está activada a alerta laranxa por vento desde as 16,00 deste venres, con previsión de refachos de até 100 quilómetros por hora, e laranxa por nevadas desde as 00,00 horas.

Na costa, hai alerta vermella desde as 08,00 horas deste 24 de marzo, por ventos de forza 8 a 9 e mar combinada de 8 a 9 metros de altura.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta