Xuíces decanos galegos apoian ao maxistrado Llarena nas súas decisións sobre Cataluña
O apoio chega logo de que aparecesen pintadas na vila de Das, onde o xuíz ten unha vivenda. Tamén apareceu nas redes sociais a localización da vivenda da súa muller.
Por Galicia Confidencial | Santiago | 28/03/2018 | Actualizada ás 19:20
Os Xuíces Decanos de España asinaron un documento no que subscriben os comunicados que emitiron xa outras instancias xudiciais. Así o Consejo General del Poder Judicial, as Asociaciones Judiciales e profesores da Escuela Judicial, mostraron o seu apoio ao xuíz Pablo Llarena, instructor da causa que se segue contra o “Procés” catalán. Entre os xuíces que asinan este comunicado de apoio están os decanos de Vigo, Ourense, a Coruña e Lugo.
As mostras de apoio por parte dos diferentes corpos xurídicos do Estado ao xuíz Pablo Llarena, prodúcense logo de apareceren pintadas contra Llarena na súa casa na vila de Das en Girona. Así mesmo, nas redes sociais tamén apareceu a localización da vivenda da muller do xuíz instructor.
Ademais, os Xuíces Decanos estenden o seu apoio a toda a comunidade xudicial en Cataluña. Tamén lembran que o principio de separación de poderes e a independencia do Poder Xudicial son a base do estado democrático.
