Máis do 50% dos fogares galegos chegan "con dificultade ou moita dificultade" a fin de mes

Máis do 50% dos fogares galegos chegan "con dificultade ou moita dificultade" a fin de mes, segundo os datos correspondentes ao primeiro trimestre deste ano recollidos na 'Enquisa conxuntural a fogares' do Instituto Galego de Estatística. En concreto, o 41,86% asegura chegar a fin de mes "con dificultade" e o 10,87% restante con "moita dificultade" fronte a un 47,28% que chega con "facilidade ou moita facilidade".

No primeiro trimestre deste ano o Indicador de Confianza do Consumidor reflicte un valor de -10,85 puntos, 1,89 puntos por baixo do referido ao trimestre anterior.

Así, diminuíron tres dos catro indicadores parciais de perspectivas de evolución: o indicador de situación financeira persoal, cun descenso de 3,06 puntos; o de capacidade futura de aforro (-1,73 puntos) e o da situación económica de Galicia, que diminuíu 3,79 puntos.

O indicador de perspectivas sobre a evolución do desemprego aumenta, pola súa banda, un punto. Segundo o IGE, o indicador de confianza do consumidor varía en función do intervalo de ingresos do fogar.

Así, os que teñen menos ingresos medios mensuales son os que presentan valores máis baixos no Indicador de Confianza do Consumidor, mentres que a confianza aumenta ao incrementarse os ingresos.

En concreto, nos fogares con menos de 600 euros ao mes este indicador se situúa en -38,61. Pola contra, entre os fogares que máis ingresan ao mes (por encima dos 3.000 euros), sitúase en 15,32.

MÁIS FOGARES CON "MOITA DIFICULTADE"

Con respecto ao trimestre ano, prodúcese unha disminución de 0,36 puntos na porcentaxe de fogares que chega con facilidade ou moita facilidade a fin de mes. Tamén se produce unha disminución de 3,52 puntos na porcentaxe de fogares que chega con dificultade. Pola contra, aumenta a porcentaxe de fogares que o fan con "moita dificulade", 3,89 puntos de incremento respecto ao trimestre anterior.

En relación ao primeiro trimestre de 2017, a porcentaxe de fogares que chega con facilidade ou moita facilidade a fin de mes diminuíu 0,84 puntos. Pola contra, aumentou a porcentaxe de fogares que chega con dificultade e o que o fai con moita dificultade: 0,09 puntos no primeiro caso e 0,76 no segundo.

GASTOS "EXTRA"

Por outra banda, o 22,71% non se permitiu ningún "extra" nos últimos tres meses. Neste sentido, a estatística inclúe gastos destinados a vacacións ou viaxes,f acer fronte a imprevistos ou grandes compras, extras de alimentación, roupa ou calzado, saír a cear ou ir ao cine. Tamén se inclúe nesta categoría poder aforrar e traballar menos horas ou que algún membro do fogar permítase deixar de traballar.

Ademais, o 11,49% dos fogares galegos cambiou, no primeiro trimestre do ano, os seus hábitos de compra, pasando a comprar marcas brancas ou produtos de oferta.

Esta foi, segundo recolle esta enquisa, a medida económica máis habitual empregada polos fogares para reducir gastos, aumentar os ingresos ou afrontar pagos neste período. Nun 11,13% dos fogares galegos diminuíronse outros gastos comúns como roupa, calzado ou transporte.

PREVISIÓNS

Pola contra, o 63,42% dos fogares galegos ten pensado saír a cear, a cafetarías, ir ao cine ou ao teatro nos próximos tres meses. O 47, 81% pensa facer algún "extra" en produtos de alimentación; o 38,56% en aforrar algo de diñeiro e o 12, 72% en realizar algunha compra extraordinaria en roupa ou calzado.

Con respecto ao trimestre pasado, a enquisa destaca a diminución experimentada polas dúas primeiras categorías. Así, a porcentaxe de fogares que ten pensado saír a cear ou a cafetarías nos próximos tres meses diminúe seis puntos con respecto ao cuarto trimestre de 2017 e o de fogares que teñen pensado facer algún "extra" en produtos de alimentación diminúe 15,76 puntos respecto ao mesmo período.

A 'Enquisa Conxuntural a Fogares' recolle tamén que o 17,59% dos fogares galegos está pagando a vivenda principal na que habitan; o 7,77% o coche e o 2,43% unha segunda vivenda.