O cupón da ONCE conmemora 50 anos dos estudos de Economía en Galicia
Por Galicia Confidencial | Santiago de Compostela | 03/04/2018 | Actualizada ás 15:48
A ONCE súmase á conmemoración do 50 aniversario dos estudos de Economía en Galicia coa emisión dun cupón dedicado a esta celebración. O boleto corresponde ao da xornada deste xoves 5 de abril, festividade de San Vicente Ferrer, patrón desa rama de estudos.
O cupón presentouse publicamente este martes na Facultade de Ciencias Económicas e Empresariais da Universidade de Santiago. No acto articiparon a decana do centro, Emilia Vázquez, e o director da ONCE en Santiago de Compostela, José Antonio Riveiro Canosa.
ANIVERSARIO
O ano académico 2017-18 marca a celebración dos 50 anos dos estudos de Economía en Galicia e da apertura da Facultade de Ciencias Económicas e Empresariais da Universidade de Santiago no curso 1967-68.
