'Fariña' irá a xuízo en xuño

O xulgado fixou para o 21 de xuño o xuízo pola denuncia do exalcalde do Grove Alfredo Bea Gondar pola publicación do libro 'Fariña'. O libro permanece secuestrado como medida cautelar adoptada por este órgano xudicial.

Por E.P. | Santiago de Compostela | 06/04/2018 | Actualizada ás 13:47

Comparte esta noticia

O Xulgado número 7 de Collado Villalba fixou para o 21 de xuño o xuízo da peza principal pola denuncia do exalcalde do Grove Alfredo Bea Gondar. A acción legal tivo como detonante a publicación do libro 'Fariña', que se mantén secuestrado como medida cautelar adoptada por este órgano xudicial.

Portada do libro Fariña, de Nacho Carretero
Portada do libro Fariña, de Nacho Carretero | Fonte: Europa Press

Así o confirmaron fontes da Editorial Libros do K.O., responsable da publicación. Desde a editorial explicaron que a decisión de fixar o xuízo para o 21 de xuño anunciouna a titular do xulgado despois de que este xoves tivese lugar no mesmo a audiencia previa, na que ambas as partes presentaron a documentación.

Estas fontes explicaron que "tiñan a esperanza" de que o xulgado levantase o secuestro do libro, pero que "se cumpriron" as súas "peores expectativas" ao manterse a medida. O secuestro suporá que non poida venderse a publicación na Feira do Libro, aínda que tiñan "asumido" que ían perder "toda a emisión da serie".

Desde os Editorial Libros do K.O., indicaron tamén que "a única posibilidade" que teñen agora para que se levante o secuestro de libro, é que a Audiencia Provincial de Madrid falle "antes" do xuízo. Para iso presentaron un recurso contra as medidas cautelares do secuestro. Ata que se ordenou o secuestro do libro como medida cautelar, do libro 'Fariña' publicáronse 10 edicións, a primeira delas en setembro de 2015.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta