A Coordinadora de En Marea atrasa polo momento a consulta sobre o caso Quinteiro

A formación céntrase en preprarar os protocolos de colaboración coas mareas municipalistas que queiran utilizar o paraugas da formación nas próximas municipais. Unhas negociacións difíciles logo do anuncio de Podemos de impoñer a súa marca en futuras coalicións.

Por E.P. | SANTIAGO DE COMPOSTELA | 11/04/2018 | Actualizada ás 23:30

Comparte esta noticia

A Coordinadora de En Marea --o órgano que se corresponde cunha executiva dun partido clásico-- atrasa polo momento a petición ao Consello das Mareas --o máximo órgano de decisión entre plenarios-- de que convoque unha consulta para que os inscritos se pronuncien sobre o cal debería ser o futuro da deputada Paula Quinteiro, inmersa nun incidente coa Policía Local o pasado 18 de marzo.

Consello das Mareas deste venres para abordar a situación de Paula Quinteiro
Consello das Mareas deste venres para abordar a situación de Paula Quinteiro | Fonte: Europa Press

Á súa chegada á reunión este mércores, o portavoz parlamentario de En Marea, Luís Villares, xa suxerira que a consulta aos inscritos da formación rupturista non era inminente e mesmo chegou a sementar dúbidas sobre que se acabe realizando. Con todo, internamente si que trasladou que os inscritos son os que teñen que ter a palabra nas decisións de En Marea, como explicaron fontes da súa contorna a Europa Press.

En declaracións aos medios, Villares lembrou á súa chegada á reunión que este asunto non estaba incluído na orde do día. Con todo, fontes deste órgano consultadas por Europa Press apuntaron que si está previsto abordar cuestións de actualidade política en xeral e que, no marco deste punto da orde do día, polo menos mencionaríase esta cuestión.

Na reunión participou o deputado Pancho Casal, inscrito de Podemos Galicia, e que é o representante do grupo parlamentario de En Marea no órgano político. Pero en todo caso, Villares publicamente insistiu en que esta cuestión non estaba na orde do día. É máis, incidiu en que se se chega a convocar a consulta aos inscritos, sería o Consello das Mareas --máximo órgano de decisión entre plenarios-- o que ten a competencia para facelo.

Villares evitou hai uns días, nunha rolda de prensa, avivar a polémica interna. As súas palabras foron acompañadas e secundadas polo deputado Manuel Lago, unha das persoas que como case a práctica maioría do grupo arroupou a continuidade de Quinteiro e a apertura dun expediente interno para aclarar o ocorrido e a súa actuación no control policial nocturno por mor dunha denuncia por vandalismo.

A diferenza do que dixo o luns da semana anterior, cando compareceu só e --a título persoal-- instou a Quinteiro a dimitir, o luns desta semana ofreceu unha rolda de prensa acompañado do portavoz económico do seu grupo e a preguntas sobre a evolución do caso internamente asegurou que non había "novidades" e insistiu en que En Marea "decepcionaría" se non "centrase" o interese "informativo" nas iniciativas políticas que impulsa.

"Nin está na orde do día nin se tomará unha decisión", manifestou este mércores á súa chegada ao local de En Marea en Santiago. A iso, engadiu que "chegado o momento, se é que se aborda, (a decisión) non a toma a coordinadora, senón o Consello das Mareas", sementando así algunhas dúbidas de que finalmente se produza.

Fronte a estas declaracións públicas, e mentres Villares a apelado a que aínda cabe que haxa unha reacción distinta da deputada á petición do Consello (este órgano reclamoulle que deixase a acta), membros da Coordinadora de En Marea consultados por Europa Press aseguraron que si se acabará convocando ao Consello para que active a celebración da consulta, aínda que este mércores non se pechou unha consulta.

INSISTE NO "PRAZO RAZOABLE"

"En todo caso, cando sexa o momento, se ese momento chega (informaremos)", dixo en declaracións Villares, quen insistiu en que a consulta se expuxo como "unha solución política adicional se o tema non se soluciona nun prazo razoable".

Así, como matizou en días anteriores, aclarou que non deu un "ultimato" a Paula Quinteiro para que deixase o escano, aínda que si lle pediu que asumise responsabilidades. "Cando ese tempo pase, se non hai acontecementos, daremos curso", remarcou.

MUNICIPALISMO

Doutra banda, na orde do día si estaba incluído abordar a preparación das municipais, como o propio Villares tamén quixo remarcar á súa chegada á reunión. "O asunto central", definiu o portavoz parlamentario e do partido.

En Marea ten que preparar os protocolos de colaboración coas mareas municipalistas que queiran utilizar o paraugas da formación nas próximas municipais, tal e como se acordou no último plenario da formación rupturista do pasado mes de marzo. Unhas candidaturas que se prevén difíciles logo de que Podemos anunciara que quere incluír o seu nome nas papeletas.

"Para nós é estratéxico polo a funcionar xa", remarcou, en declaracións aos medios, Luís Villares, quen manifestou que da situación interna derivada de Quinteiro, En Marea sairá "reforzada" e "todo o mundo verá (nela) a esperanza de cambio que ofreceu (a formación) cando chegou á política".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

1 FARALDO

E unha vergoña o que está a facer Podemos. Paula Quinteiro ten que DIMITIR XA