Dúas persoas detidas e tres policías feridos nunha liorta entre dúas familias no centro de Pontevedra

Dúas persoas foron detidas e tres axentes da Policía Nacional e da Policía Local resultaron feridos nunha multitudinaria pelexa entre dúas familias de orixe romanesa ocorrida no centro de Pontevedra.

Segundo informaron fontes policiais, a refrega produciuse na madrugada do domingo ao luns na rúa José Casal, en pleno centro da cidade de Pontevedra.

As dúas persoas detidas foron trasladadas aos calabozos da Comisaría Provincial da Policía Nacional. Está previsto que pasen a disposición xudicial nas próximas horas.

Sobre unha trintena de persoas participou nesta liorta que tivo a súa orixe nun altercado ocorrido nas inmediacións da praia fluvial do Lérez, na avenida de Buenos Aires, sobre as 20,00 horas do domingo.

O enfrontamento entre as dúas familias continuou sobre as 1,00 horas na rúa José Casal, onde reside un destes clans familiares que, segundo os investigadores, manteñen un conflito desde hai tempo.