OURENSE | 17/04/2018 | Actualizada ás 09:45 por EUROPA PRESS
Unha muller de 41 anos de idade foi evacuada a un centro hospitalario na noite do luns após ser alcanzada por un tren nun paso inferior da estrada OU-101 no municipio de Ourense.
Segundo informou o 112 Galicia, a muller ferida foi alcanzada por un tren no do punto quilométrico da vía 242,400, á altura do paso inferior da estrada OU-101, no lugar de Zaín e parroquia ourensá de Seixalbo.
Familiares da vítima aseguraron ao persoal do 112 Galicia que, aínda que a muller estaba inconsciente, respiraba e atopábase accesible para proceder á súa evacuación, indicaron as mesmas fontes.
Por iso, por parte do Centro Integrado de Atención ás Emerxencias (CIAE) 112 Galicia, após ter constancia do suceso, solicitouse de inmediato a intervención do persoal sanitario.
En concreto, ao lugar o 061, confirmaron a Europa Press fontes sanitarias, enviou unha ambulancia medicalizada que levou á muller, C.P.G., de 41 anos, ao Hospital Cristal.
Foi ás 21,15 horas do luns cando o 112 recibiu a chamada de alerta de persoal de Adif Emerxencias, que indicou que unha persona fora alcanzada por un tren de pasaxeiros que facía a liña Zamora-A Coruña, polo que a circulación de trens quedara interrompida.
A partir de aí, o 112 Galicia ademais de solicitar a intervención do persoal sanitario, alertou aos Bombeiros de Ourense e aos axentes da Policía Nacional, que se desprazaron ao lugar. Tamén, a Policía Local e os efectivos de Protección Civil foron informados o suceso. Unha vez evacuada a muller, a circulación de trens quedou totalmente restablecida.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.