Ferrol | 19/04/2018 | Actualizada ás 09:50 por EUROPA PRESS
Unha persona que practicaba surf na contorna da Praia de San Jorge, en Ferrol, foi rescatada na tarde do mércores cando era arrastrada pola corrente.
Segundo informou o 112 Galicia, a chamada dun compañeiro sobre as 18,00 horas levou a activar un operativo no que interviñeron efectivos de Salvamento Marítimo da Coruña.
Deste xeito, ao lugar desprazouse un equipo abordo do helicóptero 'Helimer 401', que sacou ao surfeiro da auga e trasladouno até o Aeroporto de Alvedro. Unha vez alí, comprobouse que estaba "en perfecto estado de saúde", indicaron as mesmas fontes, polo que se descartou a asistencia médica.
Ademais do helicóptero, por parte de Salvamento Marítimo enviouse unha embarcación, que se encargou da recollida da táboa de surf para evitar que quedase á deriva.
Co afectado practicaba deporte outra persona, que tratou de rescatar ao compañeiro pero, após varios intentos errados, chamou ao 112 Galicia para pedir axuda.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.