Galicia é o sétimo destino preferido polos españois, con 10,3 millóns de viaxeiros recibidos en 2017

Galicia situouse como o sétimo destino preferido polos españois para realizar as súas viaxes turísticas, xa que a Comunidade rexistrou en 2017 un total de 10,3 millóns de viaxeiros que se gastaron 1.832 millóns de euros, segundo os datos da Enquisa de Turismo de Residentes (ETR/Familitur) elaborada polo Instituto Nacional de Estatística (INE).

En concreto, Galicia situouse como sétimo destino cun 5,3% do total de viaxeiros españois, nunha clasificación que encabeza Andalucía (16,8%), con 32,5 millóns de viaxeiros; seguida de Cataluña cun 13% e 25 millóns de viaxeiros.

Segundo esta enquisa, Galicia rexistrou 41,6 millóns de pernoctacións, o que supón o 5,2% do total do conxunto do país. O gasto de 1.832 millóns de euros supón o 4,1% do total.

O gasto medio por persona en Galicia foi de 178 euros, por baixo da media do país de 228 millóns. O gasto medio diario foi de 44 euros, tamén menos que a media (55 euros).

VIAXEIROS GALEGOS

Por outra banda, en 2017 un total de 9,8 millóns de cidadáns de Galicia viaxou a outras comunidades, o que supuxo o 5,1% do total de viaxeiros, a sétima autonomía na que máis habitantes viaxaron ao conxunto do país. Realizaron 32,4 millóns de pernoctas e gastáronse 1.981,9 millóns de euros.

O gasto medio por persona procedente de Galicia nestas viaxes foi de 202 euros, menos que a media de 228 euros. O gasto diario foi de 61 euros, máis que a media de 55 euros.

DATOS ESTATAIS

Os residentes en España realizaron 193,6 millóns de viaxes en 2017, o que supón un crecemento do 6,5%. Estas viaxes supuxeron 801,9 millóns de pernoctacións e un gasto total de 44.233 millóns de euros (+6,9%), polo que o gasto medio por persona durante a viaxe foi de 228 euros e o gasto medio diario de 55 euros.

O principal motivo da viaxe foi o lecer, recreo e vacacións, cun 50,6%, seguido de visitas a familiares e amigos (36,2%), motivos profesionais ou de negocio (8,4%) e outros motivos (4,8%).

Doutra banda, o 91,1% das viaxes tivo como destino principal España, e o 8,9% o estranxeiro. As viaxes con destino interno acumularon o 82,4% das pernoctas e o 67,7% do gasto total, cun gasto medio de 45 euros por día.

Pola contra, as viaxes no estranxeiro supuxeron o 17,6% das pernoctacións e o 32,3% do gasto total, cun gasto medio de 101 euros.

No 63,2% das viaxes, os residentes optaron por aloxamento non de mercado. Estes acumularon o 62% das pernoctacións e tiveron un gasto medio diario de 29 euros, mentres que o gasto medio dos turistas que se aloxaron nun hotel foi de 129 euros.

Andalucía (16,8%), Cataluña (13%) e a Comunidade Valenciana (9,6%) foron os principais destinos dos viaxeiros, mentres que A Rioxa (0,9%), Navarra (1,5%) e Illas Baleares (1,7%) ocuparon os últimos lugares .

No cuarto trimestre, os residentes en España realizaron 40 millóns de viaxes e a duración media situouse en 3,2 pernoctacións. O 90,8% das viaxes tiveron como destino o territorio nacional, cunha media de 2,8 pernoctaciones, e o 9,2% o estranxeiro, con 7,3 pernoctacións.