Os consumidores galegos gastaron en Semana Santa un 9% máis que en 2017, segundo o Observatorio Cetelem

Os galegos gastaron en Semana Santa 209 euros de media, o que supón un 9% máis que en 2017, segundo o Observatorio Cetelem sobre comportamento dos consumidores de Galicia.

SANTIAGO DE COMPOSTELA | 20/04/2018 | Actualizada ás 12:20 por EUROPA PRESS

Comparte esta noticia

Os galegos gastaron en Semana Santa 209 euros de media, o que supón un 9% máis que en 2017, segundo o Observatorio Cetelem sobre comportamento dos consumidores de Galicia.

En comparación coa media de españois, os galegos gastaron un 36% menos (209 euros fronte a 326 euros de media en España). Ademais, o 10,9% dos galegos enquisados declarou gastar máis durante as vacacións de Semana Santa, fronte ao 19,5% da media de españois.

Os que declaran realizar o mesmo gasto que en 2017 son o 53,5% (mentres que se sitúan no 48,1% de media en España). Finalmente, a porcentaxe de galegos que declara gastar menos (35,6%) é superior ao da media nacional (32,4%).

En canto a como gozar das vacacións, descansar e quedar con amigos, saír a restaurantes e ir de compras foron as actividades máis realizadas en Semana Santa polos galegos.

Cetelem é especialista en crédito ao consumo, préstamos persoais e xestión de tarxetas. Opera en España desde 1988, onde conta actualmente con máis de 1.200 empregados e 2,5 millóns de clientes. O Observatorio Cetelem (@Obs_Cetelem_ES en Twitter) cumpriu recentemente o seu vixésimo aniversario.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta