SANTIAGO DE COMPOSTELA | 25/04/2018 | Actualizada ás 16:05 por EUROPA PRESS
A condutora detida após continuar a marcha despois de atropelar a un peón en Santiago de Compostela na noite do martes obtivo resultado positivo na proba de alcoholemia.
Segundo os datos da Policía Local de Santiago, o accidente de tráfico con fuga tivo lugar sobre as 22,45 horas na rúa Juan Carlos I, xunto á Alameda, ao atropelar un vehículo a un peón, que resultou ferido grave.
A condutora, concreta a Policía Local, inicialmente fuxiu do punto do atropelo, pero posteriormente regresou ao lugar, ao que acudiu "nun taxi" e deu positivo na proba de alcoholemia.
Segundo os datos facilitados polo 112 Galicia, o accidente produciuse cando un turismo golpeou a un peón e continuou a marcha. Así o explicou unha testemuña do sinistro, que se puxo en contacto co Centro Integrado de Atención ás Emerxencias (CIAE).
Ao lugar do accidente, desprazáronse profesionais de Urxencias Sanitarias de Galicia e axentes da Policía Local de Santiago de Compostela. En concreto, o 061 enviou unha ambulancia asistencial que levou ao novo ferido, D.E.B., de 19 anos de idade, ao Hospital Clínico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.