Aproban o ditame sobre o futuro da pesca presentado por Feijóo no Comité das Rexións

O Comité das Rexións apoiou por unanimidade o ditame defendido polo presidente da Xunta que avoga por que o novo Fondo Europeo Marítimo de Pesca (FEMP) para a próxima década conxugue a mellora da sustentabilidade coa competitividade e impulse a remuda xeracional.

Por E.P. | SANTIAGO DE COMPOSTELA | 16/05/2018 | Actualizada ás 20:58

Comparte esta noticia

O Comité das Rexións apoiou por unanimidade o ditame defendido polo presidente da Xunta, Alberto Núñez Feijóo, sobre o futuro da pesca en Europa, que avoga por que o novo Fondo Europeo Marítimo de Pesca (FEMP) para a próxima década conxugue a mellora da sustentabilidade coa competitividade e impulse a remuda xeracional.

O titular do Goberno galego, Alberto Núñez Feijóo
O titular do Goberno galego, Alberto Núñez Feijóo

A asemblea de representantes rexionais e locais da Unión Europea deu luz verde este mércores ao documento que propón, ademais, que a FEMP sexa compatible coa execución doutros fondos como o Feader, Feder ou o Fondo Social Europeo.

Todo iso co obxectivo de impulsar, a través da acción conxunta, o desenvolvemento de áreas costeiras non urbanas, infraestruturas relacionadas coa actividade marítimo-pesqueira e actividades de formación ligadas coa remuda xeracional. "Estamos a falar da necesidade de impulsar sinerxías con outros fondos sectoriais, de forma que multipliquen a súa eficacia para o crecemento socioeconómico das zonas costeiras", abundou.

Así mesmo, o documento sobre 'A FEMP máis aló de 2020. Investir nas comunidades costeiras de Europa' destaca que o novo instrumento debe asentarse, ademais, en conceptos como a simplificación e axilidade administrativa; a adaptación aos obxectivos e metas da política pesqueira común; e a apertura a todos os axentes do ámbito marítimo pesqueiro, independentemente do seu tamo ou facturación.

AS REXIÓNS, "MÁIS PESO"

"Consideramos que as rexións deben ter máis peso e máis autonomía á hora de definir os obxectivos e os ámbitos de aplicación do investimento", abundou o presidente da Xunta, que incidiu en que é esencial que Europa dispoña dun fondo específico que aposte pola economía marítima e a xeración de emprego e riqueza en torno ao mar.Un fondo que, conforme indicou a Xunta, teña en conta a cooperación transfronteiriza e interregional como elemento fundamental para mellorar a gobernanza dos océanos; e que avogue pola diversificación e complementariedade das actividades económicas costeiras.

Neste sentido, lembrou que as estratexias de desenvolvemento local participativo demostraron ser ferramentas fundamentais para facer valer o importante papel socioeconómico das actividades marítimo-pesqueiras e atraer aos mozos para mellorar a súa formación e impulsar a súa continuidade no sector.

Ademais de presentar as liñas fundamentais do ditame que busca reforzar a dimensión territorial das políticas marítimas e de pesca, así como apoiar as comunidades costeiras de Europa na transición cara a unha maior diversificación das industrias marítimas, Feijóo agradeceu a disposición de todas as persoas que contribuíron á súa elaboración. Por último, subliñou que este documento é froito do consenso e do traballo conxunto do sector, entidades públicas e privadas, institucións e organizacións europeas e membros do comité.

Temas: FEIJóO PESCA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Depende

Non vexo felicitacións....Se o fixese a tola da Senra aínda que abogase por erradicala, esto estaría cheo de acólitos aplaudindo.