SANTIAGO DE COMPOSTELA | 17/05/2018 | Actualizada ás 13:15 por EUROPA PRESS
Dentro da investigación sobre o accidente no que faleceu un mozo de 23 anos ao chocar o quad no que circulaba contra un camión en Guitiriz (Lugo), a Garda Civil solicita datos sobre a documentación de ambos os vehículos implicados no sinistro, así como as pertinentes probas de alcoholemia e drogas.
Fontes da Garda Civil de Lugo explicaron a Europa Press que todos os datos en relación ao accidente ocorrido a última hora da tarde do mércores serán remitidos ao Xulgado número un de Vilalba, que leva a instrución do caso.
A vítima mortal responde as iniciais A.V.L., de 23 anos, que faleceu a última hora da tarde do mércores após chocar de forma frontolateral o quad no que circulaba contra un camión.
Segundo informou o servizo de Urxencias Médicas 061, minutos antes do oito da tarde recibiron na central de alertas o aviso do accidente.
Ao lugar do suceso foron trasladados unha ambulancia asistencial e un helicóptero do 061 e ademais desprazouse persoal do Punto de Atención Continuada (PAC) de Guitiriz.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.