O 85% dos 928 inscritos que participaron na consulta de En Marea cre que Paula Quinteiro ten que dimitir

Do total do censo de 2.390 persoas que podían votar, exerceu o seu dereito a participar case o 39 por cento dos integrantes de En Marea.

Por E.P. | SANTIAGO DE COMPOSTELA | 24/05/2018 | Actualizada ás 01:20

Comparte esta noticia

O 85% dos 928 inscritos de En Marea que participaron na consulta sobre a dimisión de Paula Quinteiro, que se viu envolta nun incidente coa Policía Local de Santiago na madrugada do 18 de marzo, considerou que a deputada debe presentar a súa dimisión á acta de parlamentaria.

A deputada de En Marea Paula Quinteiro
A deputada de En Marea Paula Quinteiro | Fonte: Europa Press

Do total do censo de 2.390 persoas que podían votar, exerceu o seu dereito a participar un total de 928 inscritos, o que implica case o 39 por cento dos integrantes de En Marea.

Deles, un total de 790 votaron si á pregunta formulada, mentres que os 138 restantes consideraron que a parlamentaria non tiña que deixar a súa acta parlamentaria. Isto significa que, do total de inscritos que participaron na consulta, o 85,1% votou si e o 14,9 por cento, que non.

Mentres, se se ten en conta o total de inscritos de En Marea, o resultado arroxa que case o 33% do censo da formación pide que deixe a súa acta, fronte a dúas de cada tres que opta por non pronunciarse na consulta ou por facelo en contra de que deixe a súa acta.

As bases de En Marea tiñan que contestar "si" ou "non" á pregunta: "Consideras que Paula Quinteiro debe dimitir do seu cargo como deputada do Parlamento galego polo uso da súa acta de deputada para un asunto particular?".

VINCULARON OS SEUS CARGOS

Nas últimas horas, a Coordinadora de En Marea —que lidera Luís Villares e promoveu a consulta— vinculara a súa continuidade ao resultado da consulta, aludindo a que tiñan que sentirse "concernidos" polo que os inscritos decidan e ser coherentes coa súa postura, en palabras do seu integrante Gonzalo Rodríguez.

Mentres, en días pasados, a afectada, Paula Quinteiro, esgrimiu "indefensión" no proceso previo e asegurou que non acataría a decisión resultante da consulta, pero que si se sometería a un proceso revogatorio interno.

Próximos á deputada impulsaron un manifesto no que chamaban a non participar e que pouco antes da consulta superaba as 600 sinaturas, aínda que neste caso non fai falta ser membro de En Marea para poder sumarse ao documento. Ao peche da votación, superaba os 800 apoios, segundo os datos achegados polos impulsores.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 31 comentarios

12 Tocabolas

Nin de coña!!....tén cara de ter Loctite-R embadurnando-lle o Q....

11 Tocabolas

Nin de coña!!....tén cara de ter Loctite-R embadurnando-lle o Q....

10 GrazasBeiras

Bom, pois agora xa queda adiado todo ata segunda feira, cando os do pp --primeiro partido condenado por corrupción-- equiparen o seu roubo e espolio sistemático co caso este. Que ninguém se parece? Pois claro, pero que pensadas, que os adictos-votantes do pp eles importa algo? Para nada. Xa tenhen carrete os do pp, lavou e todos os cavernarios que votan neles. La marea debía reflexionar ainda que fose un pouquinho e non pensar no seu embigo pero non sei se serán quen de facer tal. Non eles vexo inteligência min talento para farelo, de verdade.

9 Su Señoría Deputada

Paula, ti asubía e segue dando que falar... Encántame este xornalismo de parte que non di que o manifesto pro-paula está 'asinado' por ridiculistas: falsos conselleiras e alcaldes do Partido Podre para evidenciar que Podemos todo lle vale para resistir!!! Con apoios así de validos (outros asinan varias veces) como non se vai sentir respaldada Paula Quinteiro!!!

8 Mareante

A man de Mario, Consuelo e o Palleiro e moi longa por culpa do vello. O mais curioso é que ó final Paula rematará no mesmo sitio que Chelo de Povisa, no grupo mixto. Menuda casa de tolos.