SANTIAGO DE COMPOSTELA | 26/05/2018 | Actualizada ás 15:00 por EUROPA PRESS
A Xunta de Galicia trasladou un informe elaborado polo Consello Galego de Competencia destinado ao Ministerio de Agricultura e Pesca, Alimentación e Medio Ambiente (Mapama) no que xustifican a "necesaria" identificación da orixe do leite como "apoio fundamental" para os produtores e para defender "os dereitos" dos consumidores.
Así, segundo recolle un comunicado emitido este sábado, a Consellería do Medio Rural non comparte o criterio da Comisión Nacional dos Mercados e a Competencia (CNMC), entidade que se mostrou "crítica" co borrador desta nova norma.
En todo caso, como lembra Medio Rural, o ditame da CNMC "non é vinculante", polo que insta ao Mapama a continuar "avanzando na mesma dirección" para regular a identificación da orixe do leite en liña co 'Acordo lácteo' asinado por axentes do sector en setembro de 2015.
O Goberno galego reitera que cre que a medida está "plenamente justificada" porque ofrecería "información veraz ao consumidor" e favorecería "a propia competencia" do sector.
Nesta liña, lembra que a Galicia conta xa con "unha ferramenta moi importante" neste ámbito, como é a etiqueta 'Galega 100%', promovida pola asociación sen ánimo lucro 'Laboratorio Interprofesional Galego de Análise do Leite (Ligal).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.