Localizan en Poio un cadáver que podería ser dun ancián desaparecido desde novembro

Axentes da Garda Civil localizaron na mañá deste domingo en Poio (Pontevedra) un corpo en avanzado estado de descomposición que podería corresponder a un octoxenario desaparecido o pasado mes de novembro.

Segundo fontes do Instituto Armado, os restos humanos foron achados na zona forestal de Fragamoreira, nas inmediacións do domicilio no que residía o desaparecido.

O ancián, de 84 anos de idade no momento da súa desaparición, faltaba do seu fogar desde o 12 de novembro de 2017. Segundo informou no seu momento SOS Desparecidos, o octoxenario saíu a dar un paseo polas inmediacións da súa casa en O Muiño, San Xoan, pero non regresou.