Temas: MOCIóN DE CENSURA BNG

O BNG destaca que o nacionalismo "foi clave" para desaloxar a Mariano Rajoy do Goberno

Ana Pontón cre que logo do triunfo da moción se abre un "escenario político incerto" e pide que Galicia recupere "relevancia política"

Por E.P. | SANTIAGO DE COMPOSTELA | 01/06/2018 | Actualizada ás 14:17

A líder do BNG, Ana Pontón, destacou que o voto das forzas nacionalistas no Congreso dos Deputados foi "clave" para "desaloxar" a Mariano Rajoy da Moncloa logo do triunfo da moción de censura que converteu ao socialista Pedro Sánchez no sétimo presidente do Goberno da democracia.

Pontón indicou que logo da saída de Rajoy do Goberno se abre un "escenario político incerto" no que Galicia debe recuperar a "relevancia" que, ao seu entender, perdeu no "debate territorial" pola "submisión" do presidente galego, Alberto Núñez Feijóo, ás decisións do seu partido.

Por iso, a portavoz nacional do Bloque remarcou que "democraticamente era inasumible" que o PP continuase á fronte do Executivo estatal após ser condenado no xuízo pola trama Gürtel porque se instalou "a impunidade con quen roubou".

Con todo, apuntou que "xa antes da sentenza había motivos" para "desaloxar" o PP e que "os dous últimos anos" de Rajoy en Moncloa son "responsabilidade" dos partidos "instalados no cortoplacismo" que "permitiron" que os populares continuasen á fronte do Goberno.

Neste sentido, Pontón enxalzou o nacionalismo como o factor "clave" para o triunfo da moción censura, xa que os votos dos deputados de ERC (9), PDeCAT (8), EH Bildu (2) e, especialmente, os cinco do PNV declinaron a balanza cara ao lado do 'Si'.

A continuación, denunciou que "a dereita, tanto azul como laranxa" someteu o nacionalismo a un proceso de "criminalización" porque "saben que son o freo para a súa maioría" e quen pode encabezar o proceso de "ruptura co Réxime do 78".

AXENDA GALEGA

Ana Pontón considera que as primeiras medidas que debe afrontar de maneira "urxente" o goberno socialista de Pedro Sánchez pasan por derrogar a coñecida como 'Lei Mordaza', a Lomce e as reformas laborais; así como "abandonar a política represiva" e abrir un diálogo con Cataluña.

Así mesmo, a líder nacionalista reclamou a posta en marcha dunha "axenda galega" para paliar a "desaparición" de Galicia no "debate estatal", algo que, para Pontón, é consecuencia da "submisión" de Feijóo á dirección do seu partido en Madrid.

Así, puxo o foco en que esta "axenda galega" pasa polo "levantamento do veto" ao traspaso da AP-9, o "fin da prórroga" a Ence e a creación dunha "tarifa eléctrica galega" a semellanza da que inclúen os Orzamentos Xerais do Estado deste ano para Euskadi e que permitirá "un aforro de 50 millóns de euros" para as empresas vascas.

E é que, para Pontón, o "maior problema político para Galicia é "a submisión de Feijóo a Madrid". "Non temos un presidente, tivemos un Xudas para Galicia", espetou a líder frontista en referencia a Alberto Núñez Feijóo.

A continuación, e cuestionada sobre se cre que a entrada en Moncloa do PSOE suporá un cambio no debate sobre a configuración do Estado, Ana Pontón opinou que "aínda é cedo" para prever as "consecuencias" ante a apertura dun "escenario complexo".

Temas: MOCIóN DE CENSURA BNG

7 AdianteBNG

Adiante Ana. Somos un pobo suicida pero tiraremos para adiante! Modelo Pontevedra para todo o país!!!

1 Berros galegos

Entedemos: caciqueo UPG style e presidente vitalicio. O derradeiro referente é o comandante.

6 Un galego

Vendo os que escriben aquí xa se demostra por que Galiza está onde está e Cataluña e Euskadi están onde están. Dá igual a ideoloxía, dereitas ou esquerdas, galeguistas ou non. Puro odio a si mesmos, ignorancia, incultura. Ah! Tamén misóxinos, machistas, xusto aquelo que nos dá noxo aos demais homes que respectamos as mulleres. Pois mira tu por onde que o PNV pactou co PP hai uns días e hoxe co PSOE polo ben de Euskadi, quen os vería se fixese iso o BNG... Saboreade os momentos doces que non duran sempre. Excepto para algúns indecentes que van cambiando para onde faga falta claro...

1 Outro galego

Si tanto te gusta el País Vasco y sus tiros en la nuca del nacionalismo del Rh negativo o la Cataluña supremacista del 3% puedes irte para allá. Yo estoy muy contento en Galicia, con todos sus defectos y sin renunciar a mejorar. No soporte las fantochadas de los que se creen superiores ni de las versiones locales acomplejadas.

2 Un galego

Es tu quen debe irse para España e alí estarás contento e non terás que discutir estas cousas. O problema, queiras ou non, é que alí sempre te verán como un individuo de segunda...

3 Outro galego

Estoy en esta parte de España llamada Galicia, que seguirá siendo siempre España, te guste o no. No cambió vivir en Galicia española por nada. Tú eres el que admiras otros lugares. En lo que si te doy la razón es que escuchando a Torrá o leyendo a Arana, para los nacionalistas catalanes y vascos los gallegos somo seres inferiores, y tú sin enterarte. Hay que ser pringao

4 TempletonT3

Y para ños españoles los gallegos son bestias listo tu si que no lees

5 Nimbo

Patética Pontona poltronas ¿U lo BNG no Congreso?

4 O que queda do BNG

Esta xente do BNG vive nos mundos de Yuppi. Facendo política-ficción, se onte e hoxe o BNG tivese participado dos debates da moción, o Pedro Sánchez teríase rido a gargalladas na súa cara. PDeCat e PNV son partidos que gobernan as súas autonomías, porén, o que queda do BNG é a última forza --marxinal e intrascendente-- do Parlamentiño galego. É dicir, uns ninguén. Entendíchelo xa, Poltrona? Agora seguide con ese ridículo discurso esencialista e identitario do "Se o Bloque está, Galiza está".

1 Xudeu

Dixo que o nacionalismo foi clave non o BNG. Por que inventas? Tamén dixo que Galicia desapareceu no debate territorial e que o Feijóo é un Xudas pero non dixo nada de que o BNG fose clave nin moito menos.