Por E.P. | SANTIAGO DE COMPOSTELA | 12/06/2018 | Actualizada ás 13:06
O Concello de Carnota (A Coruña) decretou dous días de loito en apoio á familia dos dous irmáns falecidos nun accidente de tráfico na tarde do luns cando o mozo, de 19 anos, levaba á súa irmá menor de idade ao instituto.
Segundo explicou a Europa Press o alcalde da localidade, Ramón Noceda (BNG), o Concello acordou os dous días de loito, este martes e mércores, como "algo simbólico" en "apoio" á familia dos dous mozos.
O rexedor expresou o pesar do Concello, que prestou axuda psicolóxica á familia "para pasar este trago". "É duro", afirmou o alcalde, quen indicou que se suspenderon "algunhas actividades" municipais relacionadas co fútbol ou a música, actividades que practicaban os rapaces falecidos. Tamén o centro educativo no que estudaba a menor prepara unha "pequena homenaxe", apuntou o alcalde, para lembrar á alumna falecida neste accidente de tráfico.
ACCIDENTE
O accidente tivo lugar sobre as 16,00 horas deste luns na estrada AC-550, nun tramo de curvas situado á saída de Caldebarcos cara a Muros. Os dous mozos, I.S.C., de 19 anos e a súa irmá menor, faleceron ao chocar o seu turismo contra outro coche despois de que un deles perdese o control e invadise o carril contrario.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.