Buscan un home de 85 anos desparecido desde a mañá do sábado en Ribadumia

Os servizos de emerxencia buscan en Ribadumia (Pontevedra) a un home de 85 anos que falta do seu fogar desde a mañá deste sábado, segundo informou o CIAE 112 Galicia.

O operativo de procura céntrase na zona da parroquia de Rabuñada, onde reside o home, e na marxe do río.

Nas tarefas para localizar ao desparecido colaboran axentes da Garda Civil e Protección Civil de Ribadumia. Ademais, desde primeira hora da tarde incorporouse unha patrulla de procura canina de Protección Civil de Padrón.