Por E.P. | SANTIAGO DE COMPOSTELA | 24/06/2018 | Actualizada ás 15:22
O presidente do PP da Coruña, Diego Calvo, asegurou que lle gustaría que o xefe do Executivo galego, Alberto Núñez Feijóo, repetise como candidato dos 'populares' en 2020 para optar á súa cuarta lexislatura consecutiva. "Isto pénsao moita xente en Galicia", afirmou.
"En 2020 seremos capaces de convencer a Feijóo de que siga outros catro anos", aseverou o tamén vicepresidente da Cámara galega nunha entrevista concedida este domingo á Cadena Ser.
Nunha semana marcada polo anuncio de que Feijóo non optará á Presidencia do PP para continuar á fronte da Xunta até 2020, unha decisión que, para Calvo, non supón "deixar orfo a ninguén" porque, ao seu entender, "a política nacional tamén se fai desde Galicia".
Calvo evitou decantarse por un dos candidatos en liza por facerse coa presidencia do PP a nivel estatal. "Todos teñen algo que me gusta", respondeu, para logo emprazar a que Galicia "teña o peso que lle corresponde na nova executiva" que salga do Congreso que os populares celebrarán a mediados de xullo e que Calvo confía en que sexa "un éxito".
ELECCIÓNS MUNICIPAIS
Así mesmo, Calvo mostrouse optimista ante o reto que se marcan os populares da provincia da Coruña para a cita coas urnas do próximo ano: recuperar o poder nas tres cidades, A Coruña, Santiago e Ferrol.
Con todo, evitou confirmar as candidaturas de Beatriz Mato na Coruña, José Manuel Rey Varela en Ferrol e Agustín Hernández en Santiago, porque, di, hai que agardar a que se reúna o comité electoral, aínda que remarcou que "todos eles serían estupendos candidatos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.