O estrano caso da peregrina austríaca desparecida en Melide e atopada no centro de Santiago
O grupo co que viaxaba deu a voz de alarma logo de que non collera o autobús de apoio xa que dixo sentirse cansa e indisposta.
Por Galicia Confidencial | Compostela | 30/06/2018 | Actualizada ás 10:17
A peregrina austríaca que estaba sendo buscada ao longo do Camiño Francés de Melide por numerosos efectivos policiais e de Protección Civil apareceu, finalmente, en Santiago en perfecto estado. A muller, de 72 anos, supostamente se perdera do seu grupo o pasado xoves.
Finalmente foi identificada por dúas mozas en Santiago, nunha rotonda preto da zona nova da cidade, e avisaron a unha patrulla da Policía Local. Foi trasladada á comisaría da Policía Nacional en Santiago de Compostela.
Cando desapareceu en Melide formaba parte dunha viaxe en grupo de 50 persoas que facían o Camiño a pé, pero ela decidiu ir no autobús que os seguía porque estaba cansa. O condutor perdeuna de vista nunha parada.
