"As multinacionais aproveitan a laxitude das leis para promover proxectos mineiros"
Daniel Cando, da Plataforma Oro No fai súa as protestas contra a mina de Touro. Eles levan trece anos opoñéndose a diferentes intentos de explotar os recursos auríferos de Salave, en Tapia de Casariego, nunha zona gandeira á beira do Cantábrico, sobre un porto de baixura que prosperou creando un selo de calidade para o polbo, e preto dun dos poucos humedais de Asturias, os Lagos de Silva.