"Viñetas desde o Atlántico"reunirá a artistas consagradas que participaron nas primeiras edicións

O Salón Internacional do Cómic da Coruña 'Viñetas desde o Atlántico', cuxa XXI edición terá lugar entre o 6 e o 12 de agosto, regresa á cidade herculina da man daqueles creadores consagrados internacionalmente que pasaron polas primeiras edicións.

O concelleiro de Culturas, José Manuel Sande, xunto co director do Salón, Miguelanxo Prado, presentou esta nova edición que incluirá exposicións e e a presenza, como en anteriores edicións, de artistas invitados.

O Quiosco Alfonso e o Palexco repiten, xunto a outros espazos, como núcleos centrais deste evento que, nesta nova edición, chega á cidade herculina confirmando a consolidación dun grupo de creadores que transitaron polas primeiras edicións de Viñetas e que agora se presentan como "figuras indiscutibles" do cómic. "É o caso de Emma Ríos ou David Rubín, nomeados en reiteradas ocasións aos premios Eisner, e tamén de Homs o Munuera, hoxe indiscutiblemente consagrados", explicou Prado.

ARTISTAS CONVIDADOS

Entre os invitados, destaca tamén José Ramón Sánchez, o ilustrador que debuxou os carteis electorais do PSOE nas primeiras eleccións municipais da democracia e que agora regresa cunha adaptación de 'Moby Dick'.

Cristina Durán, Belén Ortega e Mamem Moreu achegarán ao festival as súas visións máis persoais no campo narrativo. Tamén destaca Ángel de la Calle, autor recentemente premiado no último Salón do Cómic de Barcelona pola súa obra 'Pinturas de Guerra'.

Ademais das exposicións e os encontros con autores invitados, están programadas actividades que terán lugar na carpa situada nos Xardíns de Méndez Núñez. As exposicións estarán abertas até o 9 de setembro.