Por E.P. | SANTIAGO DE COMPOSTELA | 08/07/2018 | Actualizada ás 12:36
Un peón resultou ferido de gravidade en Vimianzo (A Coruña) logo de ser atropelado por un vehículo cuxo condutor proseguiu a marcha, segundo informa o CIAE 112 Galicia. O accidente produciuse ás 06,10 horas da madrugada deste domingo na localidade da comarca de Soneira, á altura do cruzamento con Camariñas.
Segundo relataron as chamadas que avisaron do suceso, o peón presentaba lesións graves após ser arroiado por un vehículo que non se detivo e continuou a marcha. A central de emerxencias do 112 puxo o caso en coñecemento da Garda Civil de Tráfico, que se desprazou ao lugar para investigar o sucedido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.