Por E.P. | VIGO | 09/07/2018 | Actualizada ás 15:56
Un octoxenario detido por supostos abusos sexuais sobre dous menores de idade quedou en liberdade tras pasar a disposición xudicial, aínda que se lle mantén en calidade de investigado en relación a delitos contra a liberdade sexual.
Segundo informaron fontes do Corpo Nacional de Policía, o home foi detido sobre as 10,00 horas deste domingo en Vilagarcía de Arousa (Pontevedra), como presunto autor de delitos de abusos sexuais sobre dous menores de idade.
Trala súa detención, o home pasou na mañá deste luns a disposición do Xulgado de Vilagarcía en funcións de garda. De acordo coas fontes do Tribunal Superior de Xustiza de Galicia (TSXG), o xulgado decretou a posta en liberdade do home.
No entanto, o TSXG confirmou que aínda que o home quedou en liberdade, investígaselle por delitos contra a liberdade sexual, pero descartou concretar o tipo delituoso ata que a causa vaia a repartición e chegue ao xulgado competente.
Estas mesmas fontes explicaron que os feitos que se investigan ocorreron en Vigo, aínda que o octoxenario pasou a disposición xudicial en Vilagarcía porque alí foi onde se produciu a súa detención. Así as cousas, o caso o levará un xulgado de Vigo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.