SANTIAGO DE COMPOSTELA | 11/07/2018 | Actualizada ás 21:25 por EUROPA PRESS
Un amplo operativo despregouse en procura dunha muller de 77 anos con domicilio en Cecebre, en Cambre (A Coruña), que desapareceu cando portaba un bolsón posiblemente cheo de roupa, segundo informa a Garda Civil.
A septuaxenaria, que necesita medicación para o tratamento do Alzheimer e para a tensión, vestía unha cazadora vermella e pantalón escuro no momento da desaparición.
Non utiliza lentes, mide 1,50 metros aproximadamente, é de complexión grosa e ten o pelo louro e curto. Con calquera información, a Benemérita pide contactar co 062, o 112 ou a Garda Civil de Cambre (981-654730).
Na tarde deste mércores, buscárona oito patrullas da Garda Civil, efectivos da Policía Local de Cambre, de Oleiros e de Bergondo, Protección Civil de Cambre, Oleiros, Bergondo e Betanzos. Está previsto que este xoves se some aos labores de rastrexo un helicóptero da Garda Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.