SANTIAGO DE COMPOSTELA | 12/07/2018 | Actualizada ás 19:45 por EUROPA PRESS
Unha vintena de operarios tiveron que abandonar momentaneamente os seus postos de traballo mentres os efectivos de emerxencias localizaban unha fuga de gas na rúa 14 do polígono industrial de San Cibrao das Viñas.
O 112 soubo do suceso ás 13,30 horas mediante unha chamada de alerta dos bombeiros da localidade que informaban dun escape de gas após picar unha brigada de obras unha tubaxe.
Os servizos de emerxencias acordoaron a zona e pasaron aviso á empresa subministradora. Ademais, desaloxaron o seis empresas que están na zona. Aos poucos, os traballadores volveron aos seus postos de traballo en canto a fuga foi controlada e os técnicos da compañía lograron reparar o tubo.
Após recibir a chamada, o 112 pediu a colaboración do 061, aínda que ninguén resultou afectado. Tamén pasou aviso ao GES de Pereiro de Aguiar, que traballou xunto aos bombeiros para controlar o escape.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.