Por E.P. | SANTIAGO DE COMPOSTELA | 13/07/2018 | Actualizada ás 18:47
A empresa que pretende extraer cobre en terreos de Touro e O Pino, rexeita "categoricamente" que o proxecto mineiro "vaia ter impacto" no Camiño de Santiago.
A compañía asegura que, "sobre plano, o punto máis próximo do proxecto ao Camiño está a case dous quilómetros". "É máis, debido á topografía e distancias, segundo os estudos realizados pola Universidade de Vigo, localmente o impacto visual será mínimo e totalmente nulo desde o Camiño", engade.
Por tanto, afirma que a iniciativa "non afecta o Camiño de Santiago nin ao seu ámbito de respecto, téndose en conta ambos no deseño do proxecto e os seus accesos". Ademais, agrega que este elemento patrimonial "conta cunha estrita protección legal en vigor e convive con múltiples instalacións industriais, canteiras, e obras civís próximas ao seu percorrido".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.