LUGO | 18/07/2018 | Actualizada ás 10:35 por EUROPA PRESS
Funcionarios da Policía Local pillaron ao volante dun coche en Lugo a un mozo de 19 anos de idade que nunca tivo carné de conducir e que circulaba co seu pai á beira, polo que se instrúen dilixencias por un delito contra a seguridade viaria.
Os axentes decatáronse de que, na tarde deste martes, un turismo circulaba polo Paseo dos Estudantes a velocidade "anormalmente reducida" e que o condutor, o mozo de 19 anos de idade, mostraba unha "evidente falta de pericia".
Por conseguinte, os policías déronlle o alto e constataron que nunca obtivera o permiso de condución. Como ocupante, no asento dianteiro dereito viaxaba o pai do condutor, que tivo que facerse cargo do vehículo.
Instruíronse dilixencias ao Xulgado de Garda baixo modalidade de xuízo rápido por presunta autoría dun delito contra a seguridade viaria. Ao pai do condutor, xunto coa titular do turismo, investígaselles en calidade de cooperadores necesarios polo mesmo delito.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.