Absoltos os comuneiros acusados de colocar a pedra que deixou parapléxico a un ciclista
O tribunal argumenta que non quedou acreditado "un clima de animadversión contra os ciclistas que puidese motivar que puxesen a pedra".
- Os comuneiros acusados de pór nunha pista de Vigo unha pedra que deixou parapléxico a un ciclista negan os feitos
- Fiscal e letrado do ciclista ven probado que comuneiros puxeron a pedra pero defensas cren que "puido ser calquera"
Por E.P. | VIGO | 20/07/2018 | Actualizada ás 12:50
A Sección Quinta da Audiencia Provincial de Pontevedra, con sede en Vigo, absolveu a catro membros da Comunidade de Montes de Valladares acusados de colocar obstáculos en camiños forestais para impedir o paso de ciclistas e de causar incapacidade permanente a un en setembro de 2014.
Na sentenza, o Tribunal considera acreditada que a pedra foi colocada á mantenta no medio do camiño que habitualmente utilizaban os deportistas para realizar descensos, pero sinala que carece de probas da autoría do catro comuneiros, polo que lles absolve dos delitos de homicidio en grao de tentativa e de lesións.
Así, o tribunal argumenta que non quedou acreditado "un clima de animadversión contra os ciclistas que puidese motivar que puxesen a pedra", "nin que os acusados tivesen tempo de realizar os actos que lles imputan, nin que subisen polo camiño onde se moveu a pedra, nin que fosen as únicas persoas que puidesen realizar ese feito".
